ايۋ تابانىنىڭ كونترابانداسى ءۇشىن ەكى رەسەيلىك قىتايدا 5 جىلعا سوتتالدى
08:21, 23 - شىلدە 2014
استانا. قازاقپارات - ەكى رەسەيلىك ايۋ تابانىنىڭ كونترابانداسى ءۇشىن 22- شىلدەدە شىققان حۋلۋن- بۋير (ىشكى موڭعوليا اۆتونومدى ولكەسى، سولتۇستىك قىتاي) قالالىق وكرۋگى سوتىنىڭ شەشىمىمەن 5 جىلعا باس بوستاندىعىنان ايىرىلدى.
بۇل تۋرالى «شينحۋا» اگەنتتىگى حابارلادى.
رەسەي ازاماتتارىنىڭ قىتايلىق سىبايلاستارىنىڭ جازاسى اۋىرلاۋ بولدى. ولار 6 جىل جەتى ايعا سوتتالدى، سونداي-اق 300 مىڭ يۋان ($48 مىڭ) ايىپپۇل تولەيدى.
قىلمىسكەرلەر وتكەن جىلى ماۋسىم ايىندا شەكارا ماڭىنداعى مانچجۋريا قالاسىندا اۆتوموبيل دوڭعالاعىنا جاسىرىلعان 213 ايۋ تابانىن رەسەيدەن الىپ شىقپاق بولعان كەزىندە ق ح ر كەدەنشىلەرىنىڭ قولىنا ءتۇستى.
قىتاي كەدەنشىلەرىنىڭ اقپاراتىنشا، ق ح ر قارا نارىعىنداعى ءبىر كەلى ايۋ تابانىنىڭ قۇنى 8 مىڭ يۋانعا (شامامەن $1,3 مىڭ) جەتۋى مۇمكىن.
جابايى اڭداردى كۇزەتۋ (قورعاۋ) تۋرالى زاڭناما بويىنشا تابانداردى ساتۋعا تىيىم سالىنعان.