بۇل تۋرالى 27 - قاراشادا، جۇما كۇنى رۋاسسي جانە لە- بۋرجە اۋەجايلارى قاۋىپسىزدىك قىزمەتىنىڭ وكىلى فيليپپ ريففو ءمالىم ەتتى.
«سونىڭ ىشىندە بەس ادام پاريجدە 13 - قاراشادا بولعان شابۋىلدان كەيىن بوساتىلدى»، - دەدى ريففو، سونىمەن قاتار ول راديكالدىق كوزقاراستارعا كۇدىكتى قىزمەتكەرلەردى بوساتۋ مۇنىمەن تىنبايتىنىن ايتتى. جۇمىستان شىعارۋ ۇدەرىسى مەملەكەتتىك قىزمەتتەرمەن بىرلەسە جۇرگىزىلۋدە.
ريففونىڭ ايتۋىنشا، جىل باسىنان بەرى اۋەجايدىڭ جابىق ايماقتارىنا رۇقساتى بار 86 مىڭ ادام تەكسەرۋدەن وتكەن، ونىڭ 5 مىڭى - قاۋىپسىزدىك قىزمەتىنىڭ قىزمەتكەرلەرى.
13 - قاراشادا فرانسيادا توتەنشە جاعداي ەنگىزىلگەن ساتتەن بەرى اۋەجايلاردىڭ جۇمىس بولمەلەرىندە، سونداي- اق ولارعا قىزمەت كورسەتەتىن كاسىپورىنداردا ءتىنتۋ جۇرگىزىلگەن، ونىڭ بارىسىندا 4 مىڭ قىزمەتكەردىڭ شكافتارى تەكسەرىلگەن. ريففو ولاردان ەسىرتكى دە، قارۋلار دا تابىلماعانىن ايتتى. دەگەنمەن راديكالىق يسلام باسپا ءسوز باسىلىمدارىنىڭ دانالارى تابىلعان.
قازىرگى كەزدە رۋاسسي - شارل- دە- گولل اۋەجايىندا بارلىق جولاۋشىلاردىڭ جەكە باسى تەكسەرىلەدى، بۇرىن بۇل كورسەتكىش 15-20 پايىز عانا بولاتىن. بۇل جۇمىستار اۋەجاي ارقىلى كۇنىنە 130 مىڭنان 140 مىڭعا دەيىن جولاۋشىلار وتەتىنىنە قاراماستان جۇرگىزىلۋدە، دەپ اتاپ ءوتتى فرانسيانىڭ شەكارالىق پوليتسياسىنىڭ ديرەكتورى پاتريس بانوم. باقىلاۋ فرانسيا اۋماعىنا راديكالدىق كوزقاراستارعا كۇدىكتى ادامداردىڭ كەلتىرمەۋ ماقساتىندا جاسالىپ وتىر، دەپ حابارلادى لەنتا. رۋ.
13 - قاراشادا كەشكە فرانسۋز استاناسىندا بىرنەشە لاڭكەستىك اكتسيالار سەرياسى ورىن الدى، ولاردىڭ سالدارىنان 130 ادام مەرت بولدى، 350 ادام زارداپ شەكتى.