قازاقستان قىسقى وليمپياداعا 57 جولداما جەڭىپ الدى
بۇگىن قازاقستان ۇلتتىق قۇراماسىنىڭ وليمپياداعا جەڭىپ العان جولدامالار سانى تولىعىمەن انىقتالدى. بۇل تۋرالى ق ر سپورت كوميتەتىنىڭ باسپا ءسوز قىزمەتى رەسمي تۇردە حابارلادى.
بۇگىندە قۇراما ەنشىسىندە 57 جولداما بار. ولار بياتلوننان - 10، مانەرلەپ سىرعاناۋ - 3، شورت- ترەك - 12، كونكيمەن سىرعاناۋ - 12، شاڭعى جارىسى - 7، فريستايل- موگۋل-4، فريستايل- اكروباتيكا-5، تاۋ شاڭعى سپورتى-2، ترامپليننەن سەكىرۋ-1، شاڭعى سپورتى -1.
العاشقى بولىپ وليمپيادا قالاشىعىنا بياتلونيستەر كىرەدى. ولار 1- اقپاندا پحەنچحانعا كەلەدى دەپ جوسپارلانعان. 7-اقپاندا وليمپيادا قالاشىعىندا قازاقتىڭ كوك بايراعى كوتەرىلەدى.
ەستەرىڭىزگە سالايىق، XXIII قىسقى وليمپيادا ويىندارى 9-25- اقپان ارالىعىندا وڭتۇستىك كورەيانىڭ پحەنچحان قالاسىندا وتەدى. وعان 95 مەملەكەتتەن 2900 سپورتشى مەن رەسمي وكىلدەر قاتىسادى دەپ جوسپارلانۋدا.
اۆتور: كۇنسۇلتان وتارباي