رەسپۋبليكالىق اباي وقۋلارىندا 56 وقۋشى جەڭىمپاز اتاندى
سايىس قورىتىندىسى بويىنشا وقۋ- اعارتۋ مينيسترلىگىنىڭ ديپلومدارىمەن 56 وقۋشى ماراپاتتالدى. ونىڭ ىشىندە ءبىرىنشى دارەجەلى ديپلوممەن 13 قاتىسۋشى ماراپاتتالسا، ەكىنشى دارەجەلى ديپلومدى 19 قاتىسۋشى يەلەندى. ءۇشىنشى دارەجەلى ديپلومدى 24 قاتىسۋشى ەنشىلەدى.
سونىمەن قاتار، قازىلار القاسى ۇزدىك كوماندالاردى انىقتادى. باس جۇلدەنى شىعىس قازاقستان وبلىسى جەڭىپ السا، ءبىرىنشى ورىندى اباي وبلىسىنىڭ، ەكىنشى ورىندى قاراعاندى وبلىسىنىڭ كوماندالارى ءوزارا ءبولىستى. ءۇشىنشى ورىن اقمولا، اقتوبە، جامبىل، پاۆلودار وبلىستارىنان كەلگەن كوماندالار يەلەندى.
ەستەرىڭىزگە سالساق، XXIV رەسپۋبليكالىق اباي وقۋلارى وقۋ-اعارتۋ مينيسترلىگىنىڭ قولداۋىمەن اباي وبلىسىنىڭ «اباي جانە شاكارىم» مەموريالدىق كەشەنىندە ءوتتى. بايقاۋعا رەسپۋبليكا بويىنشا 23 كوماندا، 130 دان استام جاس ابايتانۋشىلار قاتىستى. اباي وقۋلارىنا قاتىسقان جاس تالانتتار 6 نوميناتسيا بويىنشا ءوز باقتارىن سىنادى.