«ءيا، راسىندا دا قازىر ر ف نارىعىنان كەتىپ جاتقان كوپتەگەن شەتەلدىك كومپانيالاردى كورىپ وتىرمىز. ءبىز ەڭ ءىرى شەتەلدىك كومپانيالاردىڭ ءتىزىمىن جاسادىق. مۇندا سانكتسيالىق، انتيسانكتسيالىق نەمەسە قارسى سانكتسيالىق ارەكەت سالدارىنان رەسەي فەدەراتسياسىنىڭ ەكونوميكاسىنان شىعۋعا شەشىم قابىلداعان 300 دەن استام كومپانيا بار جانە ولارمەن قازاقستاندا جۇمىس ىستەۋ مۇمكىندىكتەرى، اقپاراتتاندىرۋ بويىنشا ءتيىستى جۇمىستار جۇرگىزىلدى»، - دەدى ءا. سمايىلوۆ ءماجىلىس كۋلۋارىندا تىلشىلەرگە بەرگەن سۇحباتىندا.
ۇكىمەت باسشىسىنىڭ ايتۋىنشا، بۇگىنگى تاڭدا 56 كومپانيا ءوز كەڭسەلەرىن قازاقستانعا اۋىستىرۋعا نيەت بىلدىرگەن.
«ءبىز قازىر ولاردىڭ اۋىساتىن قالاسى مەن ۋاقىتى، جۇمىس ىستەيتىن جاعدايى بويىنشا جەكە جۇمىس ىستەپ جاتىرمىز. ازىرگە كەي كومپانيالار وڭ شەشىمدەر قابىلدادى، ءتىپتى كەڭسەلەرىن اۋىستىردى دەپ ايتۋعا بولادى. بۇل Honeywell، يندرايۆەر، فورتەسكيۋ، مارۋبەني سياقتى ءىرى حالىقارالىق كومپانيالار. ءبىراق ءالى رەلوكاتسيا جاساماعان كومپانيالار دا بار، ولاردى ءتىزىپ ايتۋ دۇرىس بولماس. تويوتا كومپانياسى بويىنشا جۇمىستار ءالى ءجۇرىپ جاتىر»، - دەدى ءا. سمايىلوۆ.