كيليان مباپپە بىلتىر 56 ويىندا 56 گول سوقتى
14:51, 01 - قاڭتار 2023
استانا. قازاقپارات - فرانسيا قۇراماسى مەن پ س ج كومانداسىنىڭ شابۋىلشىسى كيليان مباپپە وتكەن جىلدىڭ قورىتىندىسىمەن ەۋروپانىڭ العاشقى بەستىكتەگى چەمپيونات ويىنشىلارى اراسىندا ۇزدىك سۇرمەرگەن اتاندى، دەپ حابارلايدى قازاقپارات ءتىلشىسى.
24 جاستاعى فرانتسيالىق شابۋىلشى بارلىق دەڭگەيدەگى 56 ويىندا 56 گول سوقتى. ول بيىل «التىن دوپ» بايقاۋىندا داۋىس بەرۋ ناتيجەسىندە التىنشى ورىنعا تۇراقتادى.
شابۋىلشى فرانسيا چەمپيونى اتانىپ، سۋپەركۋبوكتى توبەسىنە كوتەردى. ءوز ەلىنىڭ قۇراماسىمەن قاتاردا وتكەن الەم چەمپيوناتىندا فينالعا دەيىن جەتتى.
كيليان مباپپە فرانتسيانىڭ ءبىرىنشى ليگاسىندا بيىل دا گول سوعۋدان كوش باستاپ تۇر. قازىر ونىڭ ەنشىسىندە 15 كەزدەسۋدەن كەيىن 13 گول بار.
ەسكە سالساق، قازاقستان ۇلتتىق قۇراماسىنىڭ باپكەرى ماگومەد اديەۆ «جىل باپكەرى» نوميناتسياسىندا ۇزدىك اتاندى.