كىمدەر 55 جاستان باستاپ زەينەتكە شىعاتىنى بەلگىلى بولدى
20:13, 21 - تامىز 2023
استانا. قازاقپارات - قازاقستاندا ەندى كەنشىلەر 55 جاستان باستاپ زەينەتكە شىعا الادى، - دەپ حابارلايدى Zakon.kz.
بۇل تۋرالى ۇكىمەت باسشىسى ءاليحان سمايىلوۆ قاراعاندى وبلىسىنداعى «ارسەلورميتتال تەمىرتاۋ» ا ق «قازاقستان» شاحتاسىندا اپات سالدارىنان قازا تاپقان كەنشىلەردىڭ وتباسىمەن كەزدەسۋدە ايتتى.
كەزدەسۋ بارىسىندا كەنشىلەر ءۇشىن زەينەتكەرلىك جاستى تومەندەتۋ ماسەلەسى كوتەرىلدى.
پرەمەر-ءمينيستردىڭ ايتۋىنشا، قازىرگى ۋاقىتتا كەنشىلەرگە ەرتەرەك - 55 جاستان باستاپ زەينەتكە شىعۋعا مۇمكىندىك بەرەتىن زاڭنامالىق وزگەرىستەر ەنگىزىلىپ جاتىر.
ءاليحان سمايىلوۆ قاراعاندى وبلىسىنا بارىپ، «قازاقستان» شاحتاسىندا جوعالىپ كەتكەن جانە وسىنداعى اپات سالدارىنان قازا تاپقان كەنشىلەردىڭ وتباسىمەن كەزدەستى، سونداي-اق اكىمدىك پەن ورتالىق مەملەكەتتىك ورگاندار باسشىلىعىمەن جەدەل كەڭەس وتكىزدى.