«گازداندىرۋدىڭ باس سحەماسىن قارجىلاندىرۋ بيۋدجەت قاراجاتى، گاز جانە گازبەن جابدىقتاۋ سالاسىنداعى ۇلتتىق وپەراتور - QazaqGaz كىرىسى جانە قازاقستان رەسپۋبليكاسىنىڭ زاڭناماسىندا تىيىم سالىنباعان وزگە دە قارجى كوزدەرى ەسەبىنەن جۇزەگە اسىرىلادى. جوبالاردى بيۋدجەتتەن قارجىلاندىرۋدىڭ ۇلعايۋى گازبەن جابدىقتاۋ دەڭگەيىن 11 پايىزعا نەمەسە 2018 -جىلدان باستاپ قوسىمشا 2,6 ميلليون ادامنىڭ گازعا قول جەتكىزۋىنە مۇمكىندىك بەردى»، - دەدى ول.
ءمينيستردىڭ دەرەگىنشە، بيىل 76 جوبانى ىسكە اسىرۋعا 73,9 ميلليارد تەڭگە قاراستىرىلعان.
«بۇل 160 مىڭ تۇرعىنى بار 55 ەلدى مەكەندى گازبەن قامتاماسىز ەتۋگە مۇمكىندىك بەرەدى. 2023 -جىلدىڭ سوڭىندا ەل بويىنشا گازبەن جابدىقتاۋ 60 پايىز دەڭگەيىندە كۇتىلىپ وتىر»، - دەدى بولات اقشولاقوۆ.
بولات اقشولاقوۆ جۇزەگە اسىرىلىپ جاتقان ءىرى گاز جوبالارىن اتادى.
«بەينەۋ- بوزوي- شىمكەنت» ماگيسترالدىق گاز قۇبىرىنىڭ 2- تىزبەگىن سالۋ قاجەت.
«ەنەرگەتيكا مينيسترلىگى مەن QazaqGaz ۇلتتىق كومپانياسىنىڭ مىندەتتەرىنىڭ ءبىرى - ماگيسترالدىق گاز قۇبىرلارىنىڭ تۇراقتى جۇمىسىن قامتاماسىز ەتۋ. گاز تاسىمالداۋ جۇيەسىنىڭ وتكىزۋ قۋاتتارىن ارتتىرۋ ماقساتىندا قازاق گاز ءبىرقاتار ءىرى ينفراقۇرىلىمدىق جوبانى ىسكە اسىرۋدا. ولار: وتكىزۋ قابىلەتى جىلىنا 5,8 ميلليارد تەكشە مەتر «بەينەۋ- جاڭاوزەن» ماگيسترالدىق گاز قۇبىرىنىڭ 2- تىزبەگىن سالۋ؛ وتكىزۋ قابىلەتى جىلىنا 13,1 ميلليارد تەكشە مەتر «ماقات- سولتۇستىك كاۆكاز» ماگيسترالدىق گاز قۇبىرىنىڭ لۋپينگىن سالۋ؛ قۇنى 96 ميلليارد تەڭگەگە الماتى قالاسىندا 2، 3- جىلۋ ەلەكتر ورتالىقتارىن گازداندىرۋ بويىنشا ينفراقۇرىلىمدىق جوبالار»، - دەدى بولات اقشولاقوۆ.
سونداي- اق ول بيۋدجەت قاراجاتى ەسەبىنەن بيىل جالپى قۇنى شامامەن 75 ميلليارد تەڭگەنى قۇرايتىن «جاڭاوزەن- اقتاۋ» ماگيسترالدىق گاز قۇبىرىنىڭ 4- تىزبەگىن جانە اقتوبە قالاسىندا 3- تىزبەگىن سالۋ باستالاتىندىعىن ايتتى.
«سونىمەن قاتار اعىمداعى جىلىتۋ كەزەڭىندە ەلدىڭ وڭتۇستىك جانە ورتالىق وڭىرلەرىن گازبەن قامتاماسىز ەتەتىن «بەينەۋ- بوزوي- شىمكەنت» باستى گاز قۇبىرى جوبالىق قۋاتتان ارتىق نەمەسە 106 پايىز جۇمىس ىستەيتىنىن اتاپ وتكەن ءجون. وسىعان بايلانىستى ەلدى گازبەن ۇزدىكسىز قامتاماسىز ەتۋ ءۇشىن «بەينەۋ- بوزوي- شىمكەنت» ماگيسترالدىق گاز قۇبىرىنىڭ 2- تىزبەگىن سالۋ قاجەت»، - دەدى مينيستر.
فوتو: theice.com
اۆتور
مارلان جيەمباي