سونىمەن قاتار، وليمپيادادا قاتاڭ قاۋىپسىزدىك شارالارى ساقتالادى- روبوتتار دەزينفەكسيالاۋ زاتتارىن سەبەدى، بارلىق قاتىسۋشىلار مەن قىزمەتكەرلەر كۇن سايىن پ ت ر سىناقتارىنان وتەدى، ال بارمەندەر مەن داياشىلار بەتپەردە مەن قورعانىس كيىمدەرمەن قىزمەت كورسەتەدى.
اۆستريانىڭ فەدەرالدى كەڭەسى كوۆيدكە قارسى مىندەتتى ۆاكسيناتسيا تۋرالى زاڭنىڭ قابىلدانۋىن ماقۇلدادى. زاڭ جوباسىن قولداپ 47 دەپۋتات، قارسى - 12 دەپۋتات داۋىس بەردى.
ەندى زاڭعا رەسپۋبليكا پرەزيدەنتى قول قويۋى ءتيىس. 18 جاستان اسقان اۆستريا تۇرعىندارى ءۇشىن مىندەتتى ۆاكسيناتسيانى ەنگىزۋ اقپان ايىنا جوسپارلانعان.
ءبىرقاتار ەلدەردە كوروناۆيرۋسپەن اۋىراتىنداردىڭ تاۋلىكتىك كورسەتكىشى بويىنشا انتيرەكوردتار تىركەلدى: برازيليادا - 298408 جاعداي، گەرمانيادا - 248838 جاعداي، جاپونيادا - 96845، ۋكراينادا - 43778 جاعداي، چيليدە - 37 468 جانە وڭتۇستىك كورەيادا-27443 جاعداي.