مەملەكەت باسشىسى: 55 ەسكى زاۋىت - داڭعازا قاۋەسەت
ۇلتتىق قوعامدىق سەنىم كەڭەسىنىڭ العاشقى وتىرىسىندا ق ر پرەزيدەنتى قاسىم-جومارت توقايەۆ وسىنداي پىكىر ءبىلدىردى.
«تاۋەلسىزدىك پەن مەملەكەتتىلىك - بۇل قاستەرلى قۇندىلىقتارىمىز. بيلىك پەن قوعام ەڭ الدىمەن تاۋەلسىزدىكتى قورعاپ، مەملەكەتتىلىكتى نىعايتۋعا قىزمەت ەتەدى. سوڭعى ۋاقىتتا «جەر شەتەلدىكتەرگە ساتىلادى ەكەن» نەمەسە «كورشى ەلدىڭ 55 ەسكى زاۋىتى كوشىرىلەدى»، «مىڭداعان شەتەلدىك جۇمىسكەرلەر تارتىلادى ەكەن» دەگەن سياقتى ءتۇرلى قاۋەسەت اڭگىمەلەر تاراپ ءجۇر. حالقىمىز مۇنداي داڭعازا اڭگىمەلەرگە ەرمەۋى قاجەت. ونداي قاۋەسەتتەر ادامداردىڭ پاتريوتتىق كوڭىل كۇيىن شەبەر پايدالانىپ جۇرگەن نيەتى دۇرىس ەمەستەردەن تارالىپ جاتىر»، - دەدى پرەزيدەنت.
ەسكە سالا كەتسەك، ەلورداداعى تاۋەلسىزدىك سارايىندا قازاقستان پرەزيدەنتى قاسىم-جومارت توقايەۆتىڭ توراعالىعىمەن ۇلتتىق قوعامدىق سەنىم كەڭەسىنىڭ العاشقى وتىرىسى ءوتىپ جاتىر.
«قازاقستان پرەزيدەنتتىك باسقارۋ فورماسىنداعى مەملەكەت رەتىندە قالۋى كەرەكتىگىنە سەنىمدىمىن. الايدا پارلامەنت ساياسي جۇيەدەگى لايىقتى ورنىن الۋى قاجەت»، - دەدى جيىندا پرەزيدەنت.
سونداي-اق، مەملەكەت باسشىسى، قازاقستاندا ساياسي رەفورمالار قاجەتتىلىگى ءپىسىپ-جەتىلگەنىن ءمالىم ەتتى.
اۆتور: ەسىمجان ناقتىباي