«اتىراۋ قالاسىنىڭ مامانداندىرىلعان اكىمشىلىك سوتىندا اكىمشىلىك قۇقىق بۇزۋ تۋرالى كودەكستىڭ 608-بابى 8-بولىگى جانە 476-بابى 6-تارماعىمەن جول اپاتىن جاساعان ازاماتشاعا قاتىستى اكىمشىلىك ءىس قارالدى. سوتتا انىقتالعانداي، قۇقىق بۇزۋشىنىڭ كولىك جۇرگىزۋگە قۇقىعى بولماعان.
ءبىراق ول 3-مامىر ساعات 18:50 شاماسىندا الكوگولدى ماساڭ كۇيدە «MERCEDES BENZ 124» ماركالى اۆتوكولىگىن تىزگىندەپ كەلە جاتىپ، اتىراۋ قالاسىنداعى مامەك ۇلى كوشەسى بويىندا «MITSUBISHI OUTLANDER 2.4» ماركالى كولىكپەن سوقتىعىسقان.
سونىمەن قاتار، ول توتەنشە جاعدايدىڭ جاريالانۋىنا بايلانىستى تۇرعىلىقتى مەكەنجايدان شىعۋعا سالىنعان تىيىمدى بۇزعان» دەپ حابارلادى وبلىستىق سوتتىڭ باسپا ءسوز قىزمەتى. ونلاين رەجيمدە وتكەن سوتتا قۇقىق بۇزۋشى ءوز كىناسىن مويىنداپ، قامقورلىعىندا كامەلەتكە تولماعان ءتورت بالاسى بار ەكەنىن ايتقان. الايدا جابىرلەنۋشىگە جول-كولىك وقيعاسىنان كەلگەن زالال وتەلمەگەن.
سوت قاۋلىسىمەن قۇقىق بۇزعان ازاماتشا كىنالى دەپ تانىلىپ، وعان ق ر اكىمشىلىك قۇقىق بۇزۋ تۋرالى كودەكستىڭ 608-بابى 8-بولىگىمەن 555600 تەڭگە كولەمىندە ايىپپۇل سالىندى.
سونداي-اق، اتالعان كودەكستىڭ 476-بابىنىڭ 6-تارماعى بويىنشا ەسكەرتۋ تۇرىندەگى جازا قولدانىلدى.