ەلوردادا 550 وقۋشىدان قۇرالعان «استانا» قازاق ۇلت اسپاپتار وركەسترى ونەر كورسەتەدى
بۇل تۋرالى استانا قالاسىنىڭ ءبىلىم باسقارماسىنان حابارلادى.
مەرەكەلىك شارا بارىسىندا الماتى، قوستاناي، كوكشەتاۋ، اقتوبە، وسكەمەن قالالارىنداعى قوسىمشا ءبىلىم بەرۋ مەكەمەلەرىنىڭ وقۋشىلارى ءان مەن بيدەن شاشۋ شاشادى.
كونسەرتتىك باعدارلامادا 550 وقۋشىدان قۇرالعان «استانا» قازاق ۇلت اسپاپتار وركەسترى ونەر كورسەتەدى. سونىمەن قاتار 120 قاتىسۋشى جەتىگەن، قىلقوبىز، قوبىز ءتارىزدى قازاقتىڭ كونە اسپاپتارىمەن حالىق كومپوزيتورلارىنىڭ كۇيلەرىن وينايدى. فولكلورلىق انسامبلدەر، حورەوگرافيالىق ۇجىمدار، حور ۇجىمدارى، جەكە ورىنداۋشىلار جەرگىلىكتى تۇرعىندار مەن قالا مەيماندارىن ءوز ونەرلەرىمەن ءتانتى ەتەدى.
ءاربىر قاتىسۋشىنىڭ ونەرى Led-ەكران ارقىلى كورسەتىلەدى.
سونىمەن قاتار ءبىرۋاقىتتا استانانىڭ بالالار كوركەمسۋرەت مەكتەبىنىڭ 25 جاس سۋرەتشىسى وزدەرىنىڭ ءتول تۋىندىلارىن پاش ەتەدى.
اۆتور: مارلان جيەمباي