قازاق حاندىعىنىڭ 550 جىلدىعىنا ارنالعان تاعى ءبىر فيلم جارىق كوردى

استانا. قازاقپارات - «اسپاننىڭ ماڭگىلىك نازارىندا» اتتى 10 سەريالى عىلىمي- تانىمدىق دەرەكتى فيلمىنىڭ تۇساۋكەسەرى ەرتەڭ، 5 -اقپان كۇنى، ق ر ۇلتتىق مۋزەيىنىڭ عيماراتىندا وتەدى. جوبا اۆتورى - باقىت قايىربەكوۆ.

فيلمدى قازاقستان رەسپۋبليكاسى مادەنيەت جانە سپورت مينيسترلىگى مەن قازاق عىلىمي- زەرتتەۋ مادەنيەت ينستيتۋتىنىڭ تاپسىرىسى بويىنشا «مەرگەن» ستۋدياسى تۇسىرگەن.

فيلمنىڭ ءار سەريالى ءوز الدىنا تۋىندى بولىپ تابىلادى، وندا كوشپەلى حالىقتاردىڭ ەجەلگى زاماننان بەرگى دۇنيەتانىمى جايلى، الەمدىك وركەنيەت پەن «مادەنيەتتەر بايلانىسى» جەتىستىكتەر مەن جاڭالىقتار، جابايى جىلقىنى قولعا ۇيرەتۋ مەن العاشقى مەتاللۋرگيالىق پەشتەردىڭ پايدا بولۋى، ۇزەڭگى مەن وتتىڭ جانە وزگە دە الەمدىك وركەنيەتتىڭ قۇندىلىعى بولىپ تابىلاتىن نوۋ- حاۋلاردى اشا تۇسەدى.

سەريال تەك تاريحي ەمەس، سونىمەن بىرگە قازاق حالقىنىڭ ۇلى مۇراسى سانالاتىن ميفولوگياعا، فولكلور مەن ەتنوگرافياعا نەگىزدەلگەن فيلوسوفيالىق، دۇنيەتانىمدىق بولىپ ەسەپتەلەدى.

سۋرەت qazaquni.kz سايتىنان الىندى.

Stan.kz