بيىل قازاق مەملەكەتتىگىنىڭ 550 جىلدىعى ۇلت تويىنا ۇلاستى
2015 كە اياق باسقان تۇستا كۇللى قازاقتىڭ كەۋدەسىن كەرنەگەن ماقتانىش سەزىمى جاتتى. ول رۋحى - بيىك، تەكتى بابالار قۇرعان حاندىقتىڭ 550 جىلدىق توي ەدى. كوكتەمدە باستالعان دۋمان كۇنى بۇگىنگە دەيىن جالعاستى. جەر-جەردە «قازاق حاندىعىنىڭ 550 جىلدىعىنا» دەگەن ايدارمەن ءدۇبىرلى الامان بايگە، دۇرمەكتى اقىندار ايتىسى ءوتتى. ءارى قازاقتا مەملەكەت بولماعان دەپ، اسىرا سويلەگەندەردىڭ اۋزىنا قاقپاق بولدى.
پرەزيدەنت نازاربايەۆ مۇنى بۇرىن-سوڭدى بولماعان جەتىستىگىمىز دەپ اتاپ ءوتتى.
نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:
- داستارحانىندا تاماعى، استىندا ماشيناسى، باسىندا ءۇيى بار. جاعدايى جاقسى، الىپ بارا جاتقان ەشتەڭە جوق. قازاق حاندىعىنىڭ 550 جىلدىعىن وتكىزدىك. ايتشى، ارىستانبەك. بۇرىن-سوڭدى قازاق وسىلاي ءومىر ءسۇردى مە؟
بيىل اراعا 14 جىل سالىپ، ءۇشىنشى قازاق بالاسى عارىشقا كوتەرىلدى. تاۋەلسىز قازاقستان اتىنان ايعا ۇشقان العاشقى عارىشكەر ايدىن ايىمبەتوۆكە ەلباسى ءوز قولىمەن حالىق قاھارمانى» اتاعىن تابىستادى. سونداي-اق 20 جىلعا جۋىق سوزىلعان كەلىسسوز اياقتالىپ، قازاق ەلى دۇنيەجۇزىلىك ساۋدا ۇيىمىنا مۇشە بولدى. ساراپشى ماماندار پىكىرىنشە، قازاقستاننىڭ د س ۇ- عا قوسىلۋى ەكونوميكاسى ەكسپورتقا تاۋەلدى ەلدە ىشكى باسەكەنى ارتتىرىپ، تاۋار ساپاسى جاقسارادى.
ال جىل جاڭالىعى دەرلىك قۋانىشتى ساتتەر، سپورت سالاسىنا تيەسىلى. حيۋستوندا وتكەن اۋىر اتلەتيكادان الەم چەمپيوناتىندا قوس سپورتشى نيدجات راحيموۆ پەن الەكساندر زايچيكوۆ التىن الىپ، ناتيجەسىندە قازاقستان اۋىر اتلەتتەر قۇراماسى ريو وليمپياداسىنا تولىق قۇرامدا اتتاناتىن بولدى. ال گروزنىيدا رەسەي پرەزيدەنتى كۋبوگىندا يليا يلين ءوزى ورناتقان الەمدىك رەكوردتى تاعى جاڭارتتى. رەكوردشى سپورتشى جاڭا جەتىستىگىن قازاقستان رەسپۋبليكاسىنىڭ تاۋەلسىزدىك كۇنى قۇرمەتىنە ارنادى.
پورتۋگاليا مەن يسپانيانىڭ تانىمال كلۋبتارىمەن تارتىسقان كوماندا ءوز الاڭىندا ءبىر دە ءبىر رەت جەڭىلگەن جوق. ال بوكس شەبەرى گەننادي گولوۆكين 2015-جىلى قارسىلاس شىداتپاي، جەڭىستەر قاتارىن كوبەيتىپ، ا ق ش باسىلىمدارى رەيتينگىسىندە بارلىق سالماق دارەجەسىندەگى بوكسشىلار اراسىندا ءبىرىنشى ورىنعا شىقتى. قازاق ەلىنىڭ تاعى ءبىر ۇكىلى ءۇمىتى قانات يسلام دا بيىلعى قوس جەكپە-جەگىن نوكاۋتپەن اياقتادى. جاڭا پروموۋتەرلەرمەن كەلىسىم-شارتقا وتىرعان بوكسشى مەرەيلى شاقتىڭ الدا ەكەنىن ايتادى.
قانات يسلام، كاسىپقوي بوكسشى:
- ولار بارلىعىن ۇيىمداستىرامىز، جاعداي جاسايمىز، كەم دەگەندە جىلىنا بەس كەزدەسۋ ۇيىمداستىرامىز دەپ ۋادە بەرىپ وتىر. بۇيىرتسا قازاقتىڭ كوك تۋىن الداعى جىلداردا الەمنىڭ ساحاناسىندا كوتەرىپ شىعارمىز دەگەن ويدامىن.
كوك بايراعى جەلبىرەگەن جۇرت بوركىن اسپانعا اتىپ شاتتانعان تاعى ءبىر جاڭالىق، كەلەر جىلى ۇلت كوسەمى، الاش قايراتكەرى - ءاليحان بوكەيحاننىڭ 150 جىلدىعى يۋنەسكو كولەمىندە تويلانباق. قازاق ءۇشىن جان بەرگەن تۇلعانىڭ تويىنا قارجى ءبولىنىپ، قاپەردەن شىقپاسا دەيمىز. ءوتىپ بارا جاتقان جىلدا قازاقستان حالقى ءۇشىن قۋانىش سىيلاعان وقيعالاردىڭ ءبىر لەگى وسىنداي. جۇرتىمىز ءۇشىن ءار شاڭىراقتا جاعىمدى جاڭالىقتار كوبەيە بەرگەي.
31- ارنا