قازاق حاندىعىنا 550 جىل: الماتىدا وتكەن الامان ايتىس ءوز مارەسىنە جەتتى
«نۇر وتان» پارتياسىنىڭ قولداۋىمەن وتكەن ايتۋلى دودادا ەلىمىزدىڭ تۇكپىر-تۇكپىرىنەن بارعان كىل ازۋلىلار باق سىنادى.
ەكى كۇنگە سوزىلعان ايتىس قورىتىندىسىندا پاۆلودارلىق اسپانبەك شۇعاتايەۆ باس جۇلدەنى (جەڭىل اۆتوكولىك) جەڭىپ الدى. ءبىرىنشى، ەكىنشى جۇلدە استانالىقتار ەركەبۇلان قاينازاروۆ پەن مەيىربەك سۇلتانحاننىڭ ەنشىسىندە كەتتى. ارقالىق قالاسىنان كەلگەن ايبەك قاليەۆ، باتىس قازاقستاندىق جانسايا مۋسينا جانە قاراعاندىلىق ماقسات اقانوۆ ءۇشىنشى ورىندى يەلەندى. ءسويتىپ قىزداردىڭ اراسىنان جالعىز جانسايا عانا جۇلدەگە قول جەتكىزدى. ج. مۋسينا ءبىرىنشى اينالىمدا شىمكەنتتىك قاليجان بىلداشيەۆپەن سىنعا تۇسسە، فينالدا ەركەبۇلان قاينازاروۆپەن ءسوز تالاستىردى.
ەسكە سالا كەتەيىك، قازاق حاندىعىنىڭ 550 جىلدىعىنا وراي 25- تامىزدا ب ق و- نىڭ بوكەي ورداسى حان ورداسى اۋىلىندا وتكەن رەسپۋبليكالىق ايتىستا ج. مۋسينا باس جۇلدەنى (1,5 ميلليون تەڭگە) ولجالاعان بولاتىن.
اۆتور: ەلجان ەرالى