پاۆلوداردا قازاق حاندىعىنىڭ 550 جىلدىعىن اسا تارتىمدى تەاترلاندىرىلعان كورىنىسپەن اتاپ ءوتتى - فوتو
ورتالىق كوشەگە 50 كيىز ءۇي تىگىلىپ، قوناقتار قارسى الىندى.
وسى جەردەن باتىرلار مەن دالا ارۋلارىن، اقساقالدى قارتتاردى جانە جوڭعار جاساقتارىن كورۋگە بولادى. الاڭعا سايگۇلىككە مىنگەن ابىلاي حان دا شىقتى.
جۇزدەگەن قىزدار مەن جاس جىگىتتەر «ۇلى دالا تۋرالى داستان» اتتى تەاترلاندىرىلعان قويىلىمعا قاتىسىپ، وتكەن جۇزدەگەن جىلدار كورىنىستەرىن ەسكە ءتۇسىردى.
«بۇل مەرەكە جاستارعا ءبىزدىڭ تاريحىمىزدى، بابالارىنىڭ وتكەن 5 عاسىردان استام ۋاقىت ىشىندەگى ەلىن، جەرىن ساقتاپ قالۋداعى ەرلىكتەرىن بىلۋگە ۇمتىلدىرادى، پاتريوتيزمگە تاربيەلەيدى»، - دەيدى بۇحار جىراۋ اتىنداعى ادەبي مۋزەيدىڭ ديرەكتورى روزا يگەمبايەۆا.
سونداي-اق بۇگىنگى مەرەكەدە كۇيلەر بايقاۋىنىڭ جەڭىمپازدارى ونەر كورسەتتى. كورەرمەندەر تانىمال «تۇران» ەتنو-فولكلورلىق توبىنىڭ كونسەرتىن دە سۇيسىنە تاماشالادى.
ال تۇستەن كەيىن «ۇلى دالا دارىندارى» كونسەرتتىك مارافونى باستالدى. وندا وبلىس اۋداندارىنىڭ ۇزدىك شىعارماشىلىق ۇجىمدارى، انساملدەر جانە وبلىستىق ق ح ا ەتنوبىرلەستىكتەرىنىڭ انشىلەرى ءوز ونەرلەرىن كورسەتتى.
مەرەكە سوڭى وت شاشۋعا جالعاستى.