قازاق حاندىعىنىڭ 550 جىلدىعى: استانادا «تاريح پەن ءتىل تامىرلاس» اتتى جاس اقىندار ءمۇشايراسى وتەدى

استانا. قازاقپارات - استانا قالاسىنىڭ تىلدەردى دامىتۋ باسقارماسى قازاقستان حالقى تىلدەرىنىڭ ХVII  قالالىق فەستيۆالى اياسىندا قازاق حاندىعىنىڭ 550 جىلدىعىنا ارنالعان «تاريح پەن ءتىل تامىرلاس» اتتى جاس اقىندار ءمۇشايراسىن وتكىزەدى.

ءمۇشايرانىڭ ماقساتى - ۇلتتىق تاريحتى ۇلىقتاۋ، ءتىلدىڭ تەرەڭدىگىن تانىتۋ. مەملەكەتتىلىك پەن ەلدىكتى قالىپتاستىرۋداعى قوس ۇعىمنىڭ ماڭىزدىلىعىن جاس ۇرپاقتىڭ ساناسىنا ءسىڭىرۋ. جاس اقىنداردىڭ پوەزيا ونەرىنە قولداۋ كورسەتە وتىرىپ، تاريحي- ادەبي شىعارماشىلىققا جۇمىلدىرۋ. قازاق ءتىلىنىڭ قولدانىس اياسىن جان- جاقتى كەڭەيتۋ. قازاق حاندىعىنىڭ 550 جىلدىعى مەرەيلى مەجەسىن كوپشىلىككە پاش ەتۋ.

 سايىس ەكى كەزەڭنەن تۇرادى: ىرىكتەۋ كەزەڭى جانە قورىتىندى كەزەڭ.

ءمۇشايرا شارتتارى:

 - ءمۇشايراعا 14-29 جاس ارالىعىنداعى جاس اقىندار قاتىسا الادى؛

 - قاتىسۋشىلار ءوزى تۋرالى مالىمەت (اتى- ءجونى، وقۋ/قىزمەت ورنى، جەتىستىكتەرى، بايلانىس تەلەفونى جانە سۋرەتى) جولدايدى؛

 - قازاق حاندىعىنىڭ 550 -جىلدىعىنا ارنالعان ءوز ولەڭدەرىن ۇسىنۋ كەرەك؛

 - وقىلاتىن شىعارمالار كولەمى 2-3 مينۋتتان اسپاۋى كەرەك.

 جاستار ءمۇشايراسىنا قاتىسۋعا وتىنىشتەر مەن ولەڭدەر 15 - قىركۇيەككە دەيىن قابىلدانىپ، ىرىكتەلىپ، ۇمىتكەرلەرگە 16 - قىركۇيەك كۇنى حابارلانادى. قورىتىندى سايىس 22 - قىركۇيەك كۇنى وتكىزىلەدى.

 قازىلار اقىننىڭ ءسوز قولدانىسىنا، ولەڭنىڭ مازمۇنى مەن تەرەڭدىگىنە؛ ۇيقاسىنا، كوركەمدىك ەرەكشەلىگىنە، تاقىرىپتى اشۋ سيپاتىنا؛ شىعارمالارىن وقۋ شەبەرلىگىنە؛ ءتىل تازالىعىنا، ساحنا مادەنيەتى جانە كيىمىنە نازار اۋدارادى.

 جەڭىمپازدار باعالى سىيلىق، ديپلوم جانە العىسحاتتارمەن ماراپاتتالادى.

قاتىسۋشىلار تۋرالى جوعارىداعى كورسەتىلگەن اقپاراتتار، ولەڭدەر (ەلەكتروندىق نۇسقادا) 2015 - جىلعى 15- قىركۇيەككە دەيىن جولدانۋ كەرەك.

بايلانىس تەلەفوندارى: 556725، 87753350414؛

e-mile: [e-mail]