اسكەري بولىمدەردە قازاق حاندىعىنىڭ 550 جىلدىعىنا ورايلاستىرىلعان ءىس-شارالار - فوتو
اسكەري قىزمەتشىلەرگە مەملەكەتتىلىگىمىزدىڭ قۇرىلۋى تۋرالى تاريحي دەرەكتى فيلمدەر كورسەتىلۋدە، كورمەلەر، كونفەرەنتسيالار، دوڭگەلەك ۇستەلدەر، تەاترلانعان قويىلىمدار مەن مەرەكەلىك كونسەرتتەر وتكىزىلىپ جاتىر.
اۋە قورعانىسى كۇشتەرى باس قولباسشىسىنىڭ باسقارماسىندا «قازاق باتىرلارىنان باستاپ عارىش كەيىپكەرلەرىنە دەيىنگى» اتتى كونفەرەنسيا ءوتتى. اۆياتورلار ايگىلى قازاقستاندىق تاريحشى، مەملەكەت تاريحى ينستيتۋتىنىڭ ديرەكتورى بۇركىتباي اياعانوۆپەن كەزدەستى. پروفەسسور وفيتسەرلەرگە بۇگىنگى رەفورمالاۋدىڭ بارلىق سالالارىنداعى، ونىڭ ىشىندە اسكەري سالاداعى جەتىستىكتەر ەلىمىزدىڭ قك جوعارعى باس قولباسشىسى - ق ر پرەزيدەنتى نۇرسۇلتان نازاربايەۆتىڭ قىزمەتىمەن تىكەلەي بايلانىستى ەكەنىن اتاپ ءوتىپ، XVII- XVIII عاسىرلارداعى قازاقتىڭ مەملەكەتتىك بيلىگىنىڭ تاريحي ەرەجەلەرىن ەگجەي-تەگجەيلى ايتىپ بەردى.
اۋە قورعانىسى كۇشتەرىمەن قاتار، اەروۇتقىر اسكەرلەرى مەن اسكەري پوليتسياسى باس باسقارماسىندا قازاقستان تاريحىنداعى اتاۋلى كۇنگە وراي ءىس- شارالار دايىندالدى. 68665 اسكەري ءبولىمىنىڭ 400 گە جۋىق اسكەري قىزمەتشىسى، سونداي-اق 50 اسكەري پوليتسيا اۋقىمدى فلەشموبقا قاتىسادى. فلەشموبتى استاناداعى جاڭا مۇز ايدىنى سارايىندا 11 -قىركۇيەكتە وتكىزۋ جوسپارلانۋدا. ول كوز تارتارلىق جانە اۋقىمدى ءىس- شارا بولادى دەپ كۇتىلۋدە.