قازاق حاندىعىنىڭ 550 جىلدىعىنا ارنالعان «تاريح پەن ءتىل تامىرلاس» جىر ءمۇشايراسى جاريالاندى
ءمۇشايرانىڭ ماقساتى - ۇلتتىق تاريحتى ۇلىقتاۋ، ءتىلدىڭ تەرەڭدىگىن تانىتۋ، مەملەكەتتىلىك پەن ەلدىكتى قالىپتاستىرۋداعى قوس ۇعىمنىڭ ماڭىزدىلىعىن جاس ۇرپاقتىڭ ساناسىنا ءسىڭىرۋ. سونداي- اق جاس اقىنداردىڭ پوەزيا ونەرىنە قولداۋ كورسەتە وتىرىپ، تاريحي- ادەبي شىعارماشىلىققا جۇمىلدىرۋ دا كوزدەلگەن.
ءمۇشايرا ەكى كەزەڭنەن: ىرىكتەۋ كەزەڭى جانە قورىتىندى كەزەڭىنەن تۇرادى. قاتىسۋشىلار قازاق حاندىعىنىڭ 550 جىلدىعىنا ارنالعان ءوز ولەڭدەرىن ۇسىنۋى كەرەك.
ءمۇشايراعا 14-29 جاس ارالىعىنداعى جاس اقىندار قاتىسا الادى. وقىلاتىن شىعارمالار كولەمى 2-3 مينۋتتان اسپاۋى ءتيىس.
جاستار ءمۇشايراسىنا قاتىسۋعا وتىنىشتەر مەن ولەڭدەر 15 - قىركۇيەككە دەيىن قابىلدانىپ، ىرىكتەلەدى، ناتيجەسى ۇمىتكەرلەرگە 16 - قىركۇيەك كۇنى حابارلانادى. قورىتىندى سايىس 22 - قىركۇيەكتە وتكىزىلەدى.
قازىلار اقىنداردىڭ ءسوز قولدانىسىنا، ولەڭنىڭ مازمۇنى مەن تەرەڭدىگىنە، ۇيقاسىنا، كوركەمدىك ەرەكشەلىگىنە، تاقىرىپتى اشۋ سيپاتىنا، شىعارمالارىن وقۋ شەبەرلىگىنە، ءتىل تازالىعىنا، ساحنا مادەنيەتى مەن كيىمىنە نازار اۋدارادى. جەڭىمپازدار باعالى سىيلىقتارمەن، ديپلوم جانە العىسحاتتارمەن ماراپاتتالادى.
ءمۇشايراعا قاتىسۋ تۋرالى تولىق ماعلۇماتتى 556725 بايلانىس تەلەفوندارى ارقىلى بىلۋگە بولادى.