الىشەر كارىموۆ قازاق حاندىعىنىڭ 550 جىلدىعىنا ارناپ جاڭا بەينەبايان تۇسىرۋدە
08:51, 02 - تامىز 2015
استانا. قازاقپارات - تانىمال ءانشى الىشەر كارىموۆ ءوزىنىڭ جاڭا بەينەبايانىن قازاقستان حالقى اسسامبلەياسىنىڭ جىلى مەن قازاق حاندىعىنىڭ 550 جىلدىعىنا ارناعانىن مالىمدەدى.
ول بۇل تۋرالى ءوزىنىڭ ينستاگرام پاراقشاسىندا جازعان.
«مەن دۇنيەدەگى ەڭ باقىتتى اداممىن، سەبەبى الەمنىڭ ەڭ كەرەمەت ەلىندە ومىرگە كەلدىم! ءبىزدىڭ ەلىمىزدە 100 دەن استام ۇلت پەن ۇلىس تاتۋ-ءتاتتى، تىنىش ءومىر سۇرۋدە. تاياۋدا مەنىڭ سۇيىكتى قازاقستانىم تۋرالى جاڭا ۆيدەوم جارىققا شىعادى. مەن ونى قازاقستان حالقى اسسامبلەياسىنىڭ جىلى مەن قازاق حاندىعىنىڭ 550 جىلدىعىنا ارنادىم! بىرلىگىمىز جاراسقان، كوز تيمەسىن ەلىمە!» - دەدى الىشەر كارىموۆ.