اقمولالىق جەڭىل اتلەتتەر قازاق حاندىعىنىڭ 550 جىلدىعى قۇرمەتىنە مارافوندىق جۇگىرۋگە بەل بۋدى - كەسكىن
04:18, 03 - تامىز 2015
كوكشەتاۋ. قازاقپارات - اقمولالىق جەڭىل اتلەتتەر بالعاباي قۇلپەيىسوۆ پەن قاليبەك ءابىلوۆ قازاق حاندىعىنىڭ 550 جىلدىعى قۇرمەتىنە ون كۇنگە سوزىلعان 550 شاقىرىمدىق مارافوندىق قاشىقتىققا جۇگىرۋگە بەل بۋدى.
بۇل باستامانى «نۇر وتان» پارتياسى قولدادى. سپورتشىلار ءوز جولىن بۋرابايداعى ابىلاي حان الاڭىنان باستادى. ولاردىڭ ساپارى اقمولا وبلىسى، استانا، قاراعاندى وبلىسى ارقىلى ءوتىپ، ۇلىتاۋ ەتەگىندە اياقتالادى، دەپ اقپاراتتاندىرادى «حابار» تەلەارناسىنان.
«بارلىق مارافونشىلاردىڭ اتىنان سپورتتىق تۇردە مەرەكەلەۋدى شەشتىك. مارە ءبىزدىڭ حاندارىمىز سايلانعان ۇلىتاۋ تاۋىندا بولادى»، - دەدى مارافوننىڭ قاتىسۋشىسى قاليبەك ءابىلوۆ.