قازاق حاندىعىنا 550 جىل: ورالدا اعاشتان جاسالعان قازاق باتىرىنىڭ ءمۇسىنى اشىلدى - فوتو
21:41, 20 - مامىر 2015
ورال. قازاقپارات - قازاق حاندىعىنىڭ 550 جىلدىعىنا وراي ورال قالاسىنداعى دوستىق داڭعىلىنىڭ بويىندا قازاق باتىرىنىڭ ءمۇسىنى اشىلدى.
مۇنىڭ ەرەكشەلىگى - اعاش تۇبىرىنەن ويىلىپ جاسالعاندىعىندا. وعان اۋەسقوي ءمۇسىنشى بولاتبەك بايماعامبەتوۆتىڭ ءبىر ايداي ۋاقىتى كەتكەن. وسى جەردە قۋراعان اعاشتىڭ ءتۇبىرى تۇرعانىن بايقاعان ول كومەكشىسى ازامات الاگوزوۆپەن بىرگە جەرگىلىكتى تۇرعىنداردىڭ قولداۋىمەن قازاق باتىرىنىڭ بەينەسىن سومداپ شىققان.
كىشكەنتاي كەزىنەن سۋرەت سالۋمەن اينالىساتىن ب. بايماعامبەتوۆ سوڭعى جىلدارى اعاشتان شاعىن مۇسىندەر جاساۋدى قولعا العان ەكەن. ەندى ول اتالعان ەسكەرتكىشتى كۇتىپ ۇستاۋمەن بىرگە الداعى ۋاقىتتا دا وسىنداي ىستەردى قولعا الماقشى.
اۆتور: ەلجان ەرالى