قازاق حاندىعىنىڭ 550 جىلدىعىنا وراي اتىراۋدا كورمە اشىلدى
14:13, 27 - ناۋرىز 2015
اتىراۋ. قازاقپارات - اتىراۋ تاريحي- ولكەتانۋ مۇراجايىندا قازاق حالقى تاريحىنداعى بوكەي حاننىڭ ءرولىن باياندايتىن كورمە اشىلدى.
«وسى كورمەدە قازاق حاندىعى قۇرىلۋىنىڭ 550 جىلدىعىنا ارنالعان ەكسپوزيتسيالار سەريالارىن كورسەتۋدى باستادىق. العاشقى كورمەدە كەلۋشىلەر بوكەي ورداسىنىڭ نەگىزىن قالاعان جانە ونى باسقارعان بوكەي حان تۋرالى قۇجاتتاردى كورە الادى. ول جايىق مەن ەدىل وزەندەرى اراسىنداعى قازاق تايپالارى مەكەندەگەن اۋماقتى الدەقايدا كەڭەيتۋىمەن تاريحقا ەندى. قازىرگى كەزگە دەيىن كورشىلەس استراحان وبلىسىندا كەزىندە بوكەي حانمەن كەتكەن قازاقتاردىڭ دياسپوراسى تۇرادى»، - دەدى مۇراجاي ءبولىمىنىڭ مەڭگەرۋشىسى وكسانا ايتجانوۆا.
كورمەدە بوكەي حان ءمورىنىڭ كوشىرمەسىن، 19 - عاسىردىڭ جيھازىن، بوكەي وردا كەزدەرىندە اينالىمدا بولعان مەتال جانە قاعازدان جاسالعان اقشانى، ىدىس- اياق پەن وزگە دە تۇرمىستىق زاتتاردى كورۋگە بولادى.