تۇركيادا قازاق حاندىعىنىڭ 550 جىلدىعىنا ارنالعان كونفەرەنتسيا ءوتتى
ج. تۇيمەبايەۆ قازاق حاندىعىنىڭ 550 جىلدىعىنا ارنالعان ءىس-شارانى ۇيىمداستىرعانى ءۇشىن «حاجەتەپە» ۋنيۆەرسيتەتىنىڭ باسشىلىعىنا العىسىن ءبىلدىردى. ول ەلباسى نۇرسۇلتان نازاربايەۆتىڭ «نۇرلى جول - بولاشاققا باستار جول» جولداۋىندا قازاق حاندىعىنىڭ 550 جىلدىعىن 2015-جىلى اتاپ ءوتۋ تۋرالى ۇسىنىسى وسى تاريحي وقيعا اينالاسىندا ءبىراز قىزىعۋشىلىق تۋدىرىپ، تەك قازاقستاندا عانا ەمەس، شەت ەلدەردە دە قوعامدىق رەزونانسقا سەپتىگىن تيگىزگەنىن اتاپ ءوتتى.
«حاجەتەپە» ۋنيۆەرسيتەتىنىڭ رەكتورى كونفەرەنتسيانى اشۋ راسمىندە ءسوز سويلەپ، قازاقستان تۇركيا ءۇشىن ستراتەگيالىق سەرىكتەس مەملەكەت ەكەنىن اتاپ ءوتىپ، ەكى ەل اراسىنداعى گۋمانيتارلىق ىنتىماقتاستىقتى بەلسەندى جالعاستىرۋعا ءازىر ەكەنىن ءبىلدىردى.
«بۇل وقيعا تەك قازاقستان حالقى ءۇشىن عانا ەمەس، جالپى تۇركى الەمى ءۇشىن ەرەكشە ءىس-شارا ەكەن دەپ بىلەمىن. 550 جىلدىق - وتكەن زاماننىڭ ساناعى عانا ەمەس، ەڭسەرۋدى قاجەت ەتەتىن بولاشاق بەلەس. بۇل - ق ر پرەزيدەنتى ن. نازاربايەۆتىڭ «ماڭگىلىك ەل» يدەياسىن جۇزەگە اسىرۋ مۇمكىندىكدىكتەرىنىڭ ءبىرى»، - دەپ ايتتى م. تۋنجەر.
ق ر س ءى م باسپا ءسوز قىزمەتىنىڭ مالىمەتىنشە، و. حوراتا تۇركى تىلدەس مەملەكەتتەردىڭ تاريحى جانە مادەني ءداستۇرىن زەرتتەۋدە ورتاق كۇش-جىگەردىڭ قاجەتتىلىگىن اتاپ ءوتتى. وسىعان وراي، قازاق حاندىعىنىڭ 550 جىلدىعىن اتاپ ءوتۋ ءىس-شاراسى مەملەكەت قالىپتاسۋىنىڭ تەرەڭ تامىرلارىن مويىنداتقىزىپ، باۋىرلاس قازاقستان جەرىندە مەملەكەتتىلىكتىڭ تاريحي دالەلىن كەلتىرەتىن بولادى.
«قازاق دالاسى مىڭداعان جىلدار بويى ءتۇرلى وركەنيەتتەردىڭ توعىسقان، ۇلى كوشتەردىڭ وتكەن جەرى بولاتىن. بۇل جەردە ەۋرازيالىق دالانىڭ ۇلى ايماقتارى يگەرىلىپ، ماتەريالدىق جانە رۋحاني مادەنيەتتەرى جاراتىلدى. قازىرگى تاڭدا اتالعان مادەنيەتىنىڭ جەتىستىكتەرى بۇكىل الەمدە مويىندالۋدا»، - دەپ و. حوراتا ءمالىم ەتتى.
كونفەرەنتسيا بارىسىندا «تۇركى تاريحىنداعى قازاق حاندىعىنىڭ ءرولى»، «قازاق ءتىلى جانە تۇركى تىلدەردىڭ دامۋى»، «قازاق حاندىعى تاريحىن زەرتتەۋ جونىندەگى جاڭا دەرەكتەر» جانە ت. ب. سەكسيالىق وتىرىستار ۇيىمداستىرىلدى.