باتىس قازاقستاندىق بوكسشى قازاق حاندىعىنىڭ 550 جىلدىعىنا ارنالعان تۋرنيردىڭ جەڭىمپازى اتاندى
07:16, 04 - ناۋرىز 2015
ورال. قازاقپارات - باتىس قازاقستاندىق بوكسشى ساعىندىق مولداشەۆ قىزىلوردا قالاسىندا قازاق حاندىعىنىڭ 550 جىلدىعىنا وراي 1994-1996-جىلعى جاستار اراسىندا وتكەن رەسپۋبليكالىق تۋرنيردىڭ جەڭىمپازى اتاندى.
ب ق و دەنە شىنىقتىرۋ جانە سپورت باسقارماسىنان تۇسكەن مالىمەتكە قاراعاندا، اتالعان جارىستا ەلىمىزدىڭ بارلىق وبلىستارى مەن استانا، الماتى قالالارىنان ەڭ مىقتى بوكسشىلار قاتىسىپ، باق سىنادى. س. مولداشەۆ 52 كەلى سالماقتا ءتورت كەزدەسۋ وتكىزىپ، بارىندە دە جەڭىسكە جەتتى. ول فينالدا استانالىق جانۇزاق مادياردى ۇتتى.
ساتتار سۇلتانعاليەۆ جاتتىقتىراتىن س. مولداشيەۆ وسى تۋرنيردىڭ قورىتىندىسى بويىنشا قازاقستان ەكسپەريمەنتتىك قۇراماسىنا مۇشە بولىپ قابىلداندى.
اۆتور: ەلجان ەرالى