بۇگىن ج و و- لار اراسىندا قازاق حاندىعىنىڭ 550 جىلدىق مەرەيتويىنا ارنالعان ايتىس وتەدى
وڭتۇستىك قازاقستان وبلىسىندا تۇڭعىش رەت و ق م پ ي رەكتورىنىڭ قولداۋىمەن 2015 -جىلدىڭ 3 - ناۋرىزىندا قازاق حاندىعىنىڭ 550 جىلدىق مەرەيتويىنا وراي وڭتۇستىك قازاقستان مەملەكەتتىك پەداگوگيكالىق ينستيتۋتى مەن م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى اقىندارى اراسىندا ايتىس وتكىزىلەدى.
و ق م پ ي كومانداسىن وسى وقۋ ورداسىنىڭ قىزمەتكەرى، تالاي دودادا توپ جارىپ جۇرگەن جاستاردىڭ كوشباسشى اقىنى ءبىرجان بايتۋوۆ باستاپ شىعادى. سونىمەن قاتار كوماندا قۇرامىندا سەرىك ءجۇمادىل، داۋرەن اقساقالوۆ جانە ايان نيازبەك سىندى جاس تالانتتار بار. ال و ق م ۋ كومانداسىن رەسپۋبليكامىزعا بەلگىلى ايتىسكەر اقىن قىز كاريما ورالوۆا باستاپ كەلەدى.
كوماندا قۇرامىندا قاجىمۇقان ابزالوۆ، نۇرعالي ءاناپيا، مۇقاعالي كەنجەتاي ۇلى سىندى جاس دارىندار ونەر كورسەتپەك.
3 - ناۋرىز كۇنى ساعات 15.00 دە و ق م پ ي باس كورپۋسىنداعى ۇلكەن ءماجىلىس زالىندا وتەتىن ءبىلىم وردالارىنىڭ جىر باسەكەسىنە كەلەم دەۋشىلەرگە ەسىك اشىق، دەپ حابارلايدى «kazaitys.kz».