قازاق حاندىعىنىڭ 550 جىلدىعىنا وراي تارازدا ورناتىلاتىن مونۋمەنت جوباسىنا جاريالانعان بايقاۋ مەرزىمى ۇزارتىلدى
«2015-جىلعى 27- قاڭتاردا «ەگەمەن قازاقستان» جانە «كازاحستانسكايا پراۆدا» رەسپۋبليكالىق گازەتتەرىنىڭ بەتتەرىندە قازاقستان رەسپۋبليكاسىنىڭ مادەنيەت جانە سپورت مينيسترلىگى جامبىل وبىسىنىڭ اكىمدىگىمەن بىرلەسىپ، قازاق حاندىعىنىڭ 550 جىلدىعىنا وراي تاراز قالاسىندا ورناتىلاتىن مونۋمەنتتىڭ تاڭداۋلى جوباسىنا رەسپۋبليكالىق اشىق كونكۋرس جاريالايتىنى تۋرالى حابارلاما بەرىلدى. كونكۋرستىڭ شارتتارىنا سايكەس كونكۋرسقا قاتىسۋ جونىندەگى وتىنىشتەر 2015-جىلدىڭ 1- ناۋرىزىنا دەيىن قابىلدانۋى ءتيىس ەدى. بۇگىنگى كۇنگە كونكۋرسقا قاتىسۋ تۋرالى جەكە جانە زاڭدى تۇلعالاردان 3 ءوتىنىش كەلىپ ءتۇستى»، دەلىنگەن حابارلامادا.
قازىرگى كەزەڭگە جامبىل وبلىسىنىڭ اكىمدىگىمەن قازاق حاندىعىنىڭ 550 جىلدىعىنا ارنالعان ەسكەرتكىشتىڭ ورناتىلاتىن جەرى بەلگىلەندى.
«كونكۋرستىڭ ىقتيمال قاتىسۋشىلارىنىڭ نازارىنا، سونىمەن قاتار جوبانى ۇسىنىلىپ وتىرعان سيتۋاتسيالىق سحەماعا سايكەس قوسىمشا پىسىقتاۋ، جوباعا قاتىسۋشىلاردى تولىق اقپاراتتاندىرۋ جانە بارىنشا تولىق قامتۋ ماقساتىندا كونكۋرستىق ماتەريالداردى قابىلداۋ مەرزىمىنىڭ 2015-جىلعى 15- ناۋرىزعا دەيىن ۇزارتىلاتىنىن جەتكىزەمىز»، دەپ ناقتىلانعان اتالمىش دەپارتامەنت مالىمەتىندە.