قازاق حاندىعىنىڭ 550 جىلدىعىنا ارنالعان رەسپۋبليكالىق بايقاۋ جاريالاندى
بايقاۋدىڭ شارتى بويىنشا، ۇسىنىلعان جوبالار انسامبلدىك ۇيلەسىمدى شەشىممەن قورىتىندىلانعان، جوعارى يدەيالىق جانە ساۋلەتتىك- كوركەمدىك دەڭگەيدە ورىندالۋى ءتيىس.
جوبا اۆتورى مونۋمەنتتىڭ كوركەمدىك شەشىمى مەن نەگىزگى يدەياسى مازمۇندالعان قىسقاشا تۇسىنىكتەمەنى ۇسىنۋى ءتيىس. ماتەريالدار 10 - اقپانعا دەيىن قابىلدانادى. تولىعىراق ۆەدومستۆونىڭ سايتىنان بىلۋگە بولادى. بۇعان دەيىن «قازاقستان حالقىنىڭ رۋحاني دامۋ قورى» ا ق سايتىندا قازاق حاندىعىنىڭ 550 جىلدىعىن مەرەكەلەۋدىڭ لوگوتيپىن جاساۋعا بايقاۋ جاريالانعان بولاتىن. ۇيىمداستىرۋشىلارعا 13 جۇمىس كەلىپ ءتۇستى. ءبىراق ءالى كۇنگە دەيىن جەڭىمپاز جوبا جاريا ەتىلگەن جوق.
ايتا كەتەيىك، قازاق حاندىعىنىڭ 550 جىلدىعى مەن قازاقستان حالقى اسسامبلەياسىنىڭ 20 جىلدىعىن تويلاۋعا 3 ميلليارد تەڭگە بولىنەدى.
اۆتورى: گۇلمايرا قۋاتباي قىزى