استانادا قازاقتىڭ 550 جىلدىق تاريحى ساحنالاندى
شارا استانا قالاسى تىلدەردى دامىتۋ باسقارماسىنىڭ ۇيىمداستىرۋىمەن استانا ۇلتتىق سۋرەت گالەرەياسىندا قازاقستان رەسپۋبليكاسىنىڭ تاۋەلسىزدىك كۇنىنە وراي وتكىزىلدى.
ونىڭ باستى ماقساتى - تاۋەلسىزدىك قۇندىلىقتارىن ۇلىقتاۋ، وسكەلەڭ ۇرپاقتى وتانسۇيگىشتىككە، ەلجاندىلىققا باۋلۋ، مەملەكەتتىك ءتىلدىڭ قولدانىس اياسىن كەڭەيتۋ جانە ءتىل مارتەبەسىن كوتەرۋ، مەرەيىن ارتتىرۋ.
ادەبي- سازدى كەشتە كەرەي مەن جانىبەك حاندار تۇسىنداعى قازاق مەملەكەتىنىڭ قۇرىلعان ۋاقىتىنان باستاپ، تاۋەلسىزدىك العان كۇنگە دەيىنگى قازاق حالقىنىڭ باسىنان كەشكەن ءىرى وقيعالارى، ابايدىڭ ۇلاعاتتى سوزدەرى وقىلىپ، الاش قايراتكەرلەرى تۋرالى كورىنىستەر قويىلدى. ونى ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ارتىستەرى ساحنالادى.
«اتالعان شاراعا قازاقستان رەسپۋبليكاسى پارلامەنتى ءماجىلىسىنىڭ جانە قالالىق ءماسليحات دەپۋتاتتارى، جەرگىلىكتى مەملەكەتتىك ورگان باسشىلارى، زيالى قاۋىم وكىلدەرى، ءتىل جاناشىرلارى مەن قالا تۇرعىندارى قاتىستى.
اۆتور: جاسۇلان جولدىبايەۆ