قازاق حاندىعىنىڭ 550 جىلدىعى باعىتىندا 103 شارانى وتكىزۋ جوسپارلانىپ وتىر
بۇل تۋرالى بۇگىن ق ر مادەنيەت جانە سپورت ۆيسە-ءمينيسترى عالىم احمەدياروۆ ءمالىم ەتتى.
«ق ر ۇكىمەتىنىڭ ارنايى قاۋلىسىمەن مەرەيتويدى اتاپ ءوتۋدىڭ ءىس-شارالار جوسپارى بەكىتىلدى. مەرەيتوي جوسپارىنا سايكەس 103 شارانى قامتىپ وتىرمىز»، - دەدى ءمينيستردىڭ ورىنباسارى «نۇر وتان» پارتياسى جانىنداعى مادەنيەت پەن ونەردى دامىتۋ ماسەلەلەرى جونىندەگى «ميراس» قوعامدىق كەڭەسىنىڭ كەڭەيتىلگەن وتىرىسىندا.
وسى ورايدا وندا ۇيىمداستىرۋ- دايىندىق شارالارى تورتەۋ، عىلىمي- تالدامالىق قولداۋ - 13، مادەني-كوپشىلىك جانە قوعامدىق-ساياسات - 38، اقپاراتتىق قولداۋ - 17 شارا، يميدجدىك جانە كينو ونىمدەرىن شىعارۋ ءبولىمى بويىنشا 14، سونداي-اق باسقا دا شارالار قامتىلعاندىعىن جەتكىزدى.
ەلباسى 2015 - جىلى قازاق حاندىعىنىڭ 550 جىلدىعىن اتاپ ءوتۋ جونىندەگى تاپسىرماسى اياسىندا مادەنيەت جانە سپورت مينيسترلىگى باسقا مەملەكەتتىك ورگاندارمەن بىرلەسە وتىرىپ، ءبىرقاتار شارالاردى اتقارىپ جاتقاندىعىنا توقتالعان ۆيتسە-مينيستر، «قازاقستان عالىمدارىنىڭ تۇجىرىمدارى نەگىزىندە 1465 - جىلدى قازاق حاندىعىنىڭ رەسمي قۇرىلعان جىلى دەۋگە بولادى.
قازاق حاندىعىنىڭ 550 جىلدىعىن اتاپ ءوتۋ تۇجىرىمداماسى دايىندالدى. اتالعان تۇجىرىمدامادا قازاق حاندىعىنىڭ قۇرىلۋىنىڭ عىلىمي دەرەكتەرى، مەرەيتويدىڭ كونسەپتۋالدىق نەگىزدەرى، ماقساتتار مەن مىندەتتەرى جانە ونىڭ كەزەڭدەرى كەلتىرىلگەن»، - دەپ اتاپ ءوتتى.
ونىڭ سوزىنە قاراعاندا، قازاق حاندىعىنىڭ 550 جىلدىعىن اتاپ ءوتۋ باستى ءۇش كونسەپتۋالدى نەگىزدە جۇزەگە اسىرىلاتىن بولادى. وسى ورايدا بىرىنشىدەن - پاتريوتتىق نەگىز، ياعني قازاق حالقىنىڭ وتانىنا سۇيىسپەنشىلىگى، ەكىنشىسى - اقپاراتتىق نەگىز، ءۇشىنشىسى - عىلىمي نەگىزگە ارنالىپ وتىر.
اۆتور: رۋسلان عابباسوۆ