قازاق حاندىعىنىڭ 550 جىلدىعى مەن ەسەنبەرليننىڭ 100 جىلدىعى اراسىندا تىكەلەي بايلانىس بار - ا. قاشقىمبايەۆ

  استانا. قازاقپارات - قازاق حاندىعىنىڭ 550  جىلدىعى مەن ەسەنبەرليننىڭ 100 جىلدىعى اراسىندا تىكەلەي بايلانىس بار.

بۇگىن «قازاق حاندىعىنىڭ جارشىسى» اتتى تاقىرىپتا وتكەن جيىندا داڭقتى جازۋشىنىڭ شىعاماشىلىعىنا قاتىستى ەسەنبەرلين تانۋعا دەن قويىپ، ونىڭ ءومىرىن زەرتتەپ جۇرگەن، تاريح عىلىمدارىنىڭ كانديداتى، دوتسەنت امانگەلدى قاشقىمبايەۆ وسىلاي مالىمدەدى.

«جالپى قازاق حاندىعىنىڭ 550  جىلدىعى تۇرعىسىنان الساق، مۇنىڭ بۇگىنگى اتالىپ جاتقان ءى. ەسەنبەرليننىڭ 100  جىلدىعىنىڭ اراسىندا تىكەلەي بايلانىس بار. ويتكەنى، ەسەنبەرليننىڭ ۇلى جازۋشىلىققا قولى قالاي جەتتى؟ ۇلت تاريحىنا قاتىستى تەڭدەسسىز تريلوگيانى جازۋ ارقىلى جەتكەن بولاتىن. ال تريلوگيانى نە دەيتىن بولساق، بۇل - قازاق ۇلتىنىڭ ورتالىقتى قۇرۋى، ونىڭ ودان ارعى تاعدىرى، جاعدايى مەن بولاشاعى» ، - دەيدى ا. قاشقىمبايەۆ.

ونىڭ سوزىنە قاراعاندا، وسى قازاق حاندىعى تۇرعىسىنان العاندا ەسەنبەرلين شىعارمالارى وتە قۇندى بولىپ تابىلادى ءارى ونىڭ ماڭىزى ەشقاشان دا جويىلماق ەمەس.

ەسكە سالا كەتەيىك، ءىلياس ەسەنبەرلين - قازاق ادەبيەتىندە ءونىمدى ەڭبەك ەتكەن اسا كورنەكتى جازۋشىلاردىڭ ءبىرى، اقىن، سەناريست، دراماتۋرگ، قازاق ك س ر- نىڭ مەملەكەتتىك پرەمياسىنىڭ لاۋرەاتى.

 

اۆتور: قانات مامەتقازى ۇلى