قازاقستاندا قالالىقتاردىڭ ۇلەسى 55,2 پايىزعا جەتتى

استانا. قازاقپارات - 2014-جىلعى 1- قاراشاداعى جاعداي بويىنشا حالىق سانى 17377,8 مىڭ ادامدى قۇرادى. بۇل تۋرالى قر ۇلتتىق ەكونوميكا مينيسترلىگى ستاتيستيكا كوميتەتىنەن حابارلادى.

جالپى حالىق سانىنىڭ ىشىندە 9597,1 مىڭى نەمەسە U,2 قالالىقتار بولسا، قالعان 7780,7 مىڭى (D,8) اۋىل تۇرعىندارى. بيىلعى قاڭتار-قازاندا حالىق سانى 217 مىڭ ادامعا نەمەسە 1,3 پايىزعا ءوستى.

ا ح ا ت ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2014-جىلعى قاڭتار-قازاندا دۇنيەگە كەلگەندەر سانى 338,2 (331,7) مىڭ ادامدى قۇراپ، 2013-جىلعى قاڭتار-قازانعا قاراعاندا 6,5 مىڭ ادامعا نەمەسە %2 ارتتى. تۋۋدىڭ جالپى كوەففيتسيەنتى 1000 ادامعا 23,48 (23,37) تۋعانداردى قۇرادى.

قاراستىرىلىپ وتىرعان كەزەڭدە قايتىس بولعاندار سانى 110,6 (115,8) مىڭ ادامدى قۇراپ، 2013-جىلعى قاڭتار-قازانعا قاراعاندا 5,2 مىڭ ادامعا نەمەسە %4,5 ازايدى. ءولىم-ءجىتىمنىڭ جالپى كوەففيتسيەنتى 1000 ادامعا 7,68 (8,16) قايتىس بولعانداردى قۇرادى.

2014- جىل قاڭتار-قازاندا رەسپۋبليكا حالقىنىڭ تابيعي ءوسىمى 2013-جىلعى قاڭتار-قازانمەن سالىستىرعاندا 11,7 مىڭ ادامعا نەمەسە %5,4 ارتىپ، 227,6 (215,9) مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 15,80 (15,21) ادامنان.

اۆتور: رۋسلان عابباسوۆ