قازىر ءۇبىرلى- ءشۇبىرلى وتباسى نۋشكي قالاسىنداعى ءزاۋلىم ۇيدە تۇرادى.
پاكىستاندىق قاريا العاش رەت 18 جاسىندا شاڭىراق كوتەرگەن. بارلىعى التى رەت نەكەلەسىپتى. ءبىر ايەلى بوسانار كەزدە اۋىرىپ كوز جۇمعان، دەر كەزىندە ەمدەۋگە وتاعاسىنىڭ اقشاسى جەتپەگەن كورىنەدى.
جۇرگىزۋشى بولىپ ءناپاقاسىن تاۋىپ جۇرگەن كوپ بالالى اكە جۇپىنى تۇرمىسىنا قاراماستان دەموگرافياعا ەلەۋلى ۇلەس قوسقان. ەر ادامنىڭ ايىنا تاباتىن تابىسى 192 فۋنت ستەرلينگتەن اسپايدى ەكەن. قازىر وتباسىن اسىراۋعا ۇلكەن ۇلى ابدۋل باري مەنگال كومەكتەسىپ ءجۇر. 32 جاستاعى باري اكەسى سياقتى جۇك كولىگىن جۇرگىزەدى.
قاريانىڭ ۇلكەن بالالارىنىڭ كەيبىرى وزدەرى قالاعان ماماندىقتى مەڭگەرىپ شىققان، ءبىراق ءالى جۇمىس تاپپاپتى. قازىر 10 بالا مەكتەپكە بارا الماي وتىر، سەبەبى اكەلەرىنىڭ وقۋعا تولەيتىن اقشاسى جوق.
دەگەنمەن، ومىردەن كورگەنى دە، تۇيگەنى دە مول اكە ۇل- قىزدارىنىڭ ۇيدە وتىرعانىنا اسا قاتتى قىنجىلمايتىن سەكىلدى.
- بىلىمدىلەردىڭ ءبارى بولاشاقتا زور جەتىستىككە جەتە بەرمەيدى، - دەيدى ول.
Baq.kz