سوعىس كەزەڭىندەگى 54 جاپوندىق جەتىم وزدەرىن اسىراپ العان قىتايلىق وتباسىلارمەن جۇزدەستى - فوتو
14:45, 16 - شىلدە 2015
استانا. قازاقپارات - بۇگىن سوعىس كەزەڭىندە جەتىم قالعان 54 جاپونيالىقتان تۇراتىن دەلەگاتسيا قىتايدىڭ سولتۇستىك شىعىسىنداعى حاربين قالاسىنا بارىپ، وزدەرىن اسىراپ العان وتباسىلارىمەن كەزدەستى، دەپ حابارلادى شينحۋا.
1945-جىلدىڭ تامىزىندا جاپونيالىق اسكەر تىزە بۇگىپ، شەگىنگەننەن كەيىن قىتايدا 4 مىڭ جاپونيالىق جەتىم بالا قالعان. ولاردى قىتايلىق جانۇيالار اسىراپ الدى. 1972-جىلى ەلدەر ديپلوماتيالىق قارىم-قاتىناستارىن قالپىنا كەلتىرگەن سوڭ سوعىس كەزەڭىنىڭ جاپونيالىق جەتىمدەرى مەن ولاردىڭ بالالارى تاريحي وتانىنا، قىتايلىقتار اسىراپ العان وتباسىلارىنا كەلىپ-كەتىپ تۇراتىن بولدى.