يسپانيادا وگىزدەرمەن ءداستۇرلى جارىس كەزىندە 54 جاستاعى ازاماتتى بۇقا ءسۇزىپ ءولتىردى - كەسكىن
19:12, 08 - شىلدە 2015
استانا. قازاقپارات - يسپانياداعى گراو- دە- كاستەللون قالاشىعىندا وگىزدەرمەن ءداستۇرلى جارىس كەزىندە 54 جاستاعى جەرگىلىكتى تۇرعىندى بۇقا ءسۇزىپ ءولتىردى.
The Daily Mail حابارلاعانداي، وزگە قاتىسۋشىلار جانۋاردىڭ نازارىن اۋدارماق بولعان، الايدا وگىز ەر ادامدى بىرنەشە رەت سۇزگەن.
جاپا شەككەن ادام اياعىنان تىك تۇرۋعا تىرىسىپ، بىرەۋدىڭ كومەگىمەن شابۋىل جاسالعان جەردەن سىتىلىپ تا شىققان كورىنەدى. دەگەنمەن دارىگەرلەر ءومىرىن ساقتاپ قالۋعا قانشاما ارەكەت جاساعانىمەن اجالعا اراشا تۇسە المادى. ول اۋرۋحانادا كوز جۇمدى.
ازاماتتىڭ ولىمىنەن كەيىن جەرگىلىكتى بيلىك اپتالىق فەستيۆالدى ۋاقىتشا توقتاتتى.