وبلىستىق پ د باسپا ءسوز قىزمەتىنىڭ مالىمەتىنشە، مىرزاكەنت كەنتىندەگى №4 مەكتەپتە 2200 ادامعا ارنالعان ەۆاكوپۋنكت دايىندالعان. تەحنوگەندىك توتەنشە جاعداي ورىن العان اۋماققا تۇركىستان وبلىسى پوليتسيا دەپارتامەنتىنىڭ باستىعى، پوليتسيا گەنەرال- مايورى قايرات دالبەكوۆ تە ارنايى كەلدى. قازىرگى ۋاقىتتا وقيعا ورنىنان 5400 تۇرعىن ەۆاكۋاتسيالانعان. كەيبىرەۋلەرى وزدەرى كوشىپ، باسقالارعا كومەك كورسەتكەن. ءتارتىپ ساقشىلارى قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋ بويىنشا جۇمىستار جۇرگىزىپ، باسقا دا قاجەتتى شارالار قابىلداۋدا.
ەستەرىڭىزگە سالا كەتەيىك، 1 - مامىردا ساردوبا سۋ قويماسى بوگەتىن سۋ شايىپ كەتۋىنە بايلانىستى وزبەكستاننىڭ سىرداريا وبلىسىنداعى ەلدىمەكەندى سۋ باستى. سونىڭ سالدارىنان ماقتاارال اۋدانىندا شەكارا ماڭىنداعى بىرنەشە كوللەكتور سۋعا تولىپ قالعان. ماقتاارالداعى ورتالىق كوللەكتوردان سۋ توگىلىپ، جەڭىس، جاڭا تۇرمىس اۋىلدارىن سۋ الىپ كەتتى. وبلىستىق ماڭىزى بار «مىرزاكەنت - جەڭىس - جاڭا تۇرمىس» اۆوموبيل جولىن سۋ باسىپ، كولىك جۇرە الماۋدا. سونداي- اق تۇركىستان وبلىسىندا سۋ تاسقىنى قاۋپى تونگەن 3 اۋىلدىڭ حالقى ەۆاكۋاتسيالانىپ جاتىر.
اۆتور: اينۇر اقبايەۆا