ماۋيدەگى ءورت سالدارىنان قازا تاپقاندار سانى 53 كە جەتتى، جۇزدەگەن ادام ەۆاكۋاتسيالاندى
گاۆاييدەگى تاريحي لاحاينا قالاسىن جويىپ جىبەرە جازداعان ءورت بۇعان دەيىن � عا اۋىزدىقتالعان، دەپ حابارلايدى قازاقپارات CBS News-كە سىلتەمە جاساپ.
بيلىك گاۆاي ارحيپەلاگىنداعى ەڭ ۇلكەن ارالجاردىڭ ءبىرى ماۋيدە ءالى دە بىرنەشە ءورت بولىپ جاتقاندىقتان زارداپ شەككەندەر سانى ارتۋى مۇمكىن دەپ مالىمدەدى.
پوليتسيا ادامداردى «قاۋىپسىزدىك ماقساتىندا» لاحاينا قالاسىنان الىس بولۋعا شاقىرىپ، تۇرعىنداردىڭ ۇيلەرىنە ورالۋى ءۇشىن بارلىق شارالار قابىلداناتىنىن ايتتى.
ارالدىڭ باتىس بولىگىندەگى ادامدار ماۋيدىڭ كاحۋلۋي اۋەجايىنا ەۆاكۋاتسيالاندى. ماۋي شەنەۋنىكتەرى رەيستەرىن كۇتكەن 1400 ادام اۋەجايدا تۇنەگەنىن ايتتى.
پرەزيدەنت بايدەن اكىمشىلىگى بەيسەنبىدە گاۆاييدەگى ءورتتى «ۇلكەن اپات» دەپ جاريالادى. ورتپەن كۇرەسۋگە فەدەرالدى قاراجات بولىنەدى.
جاعالاۋ كۇزەتى بەيسەنبىدە ورتتەن قاشىپ، مۇحيت سۋىنا سەكىرگەن 17 ادامدى قۇتقارعانىن ايتتى. سۋدا جوعالىپ كەتكەندەر تۋرالى حابارلامالار بولعان جوق.
ماۋي ارالىنداعى 16 جول ءالى جابىق.
جالىنمەن كۇرەستە ۇلتتىق ۇلاننىڭ ەكى تىكۇشاعى جۇمىلدىرىلعان. ودان 100 مىڭنان استام گاللون سۋ توگىلىدى. تىكۇشاقتار سارسەنبىدە 58 رەت ۇشتى.
Hawaiian Electric مالىمەتىنشە، بەيسەنبى كۇنى تۇستەن كەيىنگى جاعداي بويىنشا، ارالدا شامامەن 12400 ادام ەلەكتر قۋاتىنسىز قالدى.
ارالدا تۇسىرىلگەن جان تۇرشىگەرلىك كادرلاردان سەيسەنبى كۇنى كەشكە تەز تارالعان جالىننىڭ ۇيلەردى بىرىنەن سوڭ ءبىرى قيراتىپ جاتقانىن كورۋگە بولادى. تۇرعىندار قاشىپ امان قالۋعا تىرىسىپ ءجۇر.
ماۋيدەگى ورمان ورتىنەن كەيىن قالانىڭ ءبىر كەزدەرى بوس ەمەس كوشەلەرىندە ورتەنگەن كولىكتەر مەن بۇرىن تاريحي عيماراتتار تۇرعان جەردە كۇل ۇيىندىلەرى قالدى.
بۇعان دەيىن شەنەۋنىكتەر 271 قۇرىلىم جارتىلاي بۇلىنگەن نەمەسە قيراعان، ونداعان ادام جاراقات العان دەپ مالىمدەدى.
سارسەنبىدە ءورت سوندىرۋشىلەر ماۋي ارالىنداعى بىرنەشە جەردە ءورتتى ءسوندىرۋدى جالعاستىردى.
بۇعان دەيىن حابارلاعانىمىزداي، گاۆايي مەن ماۋي ارالىن شارپىعان بۇرىن-سوڭدى بولماعان ورمان ورتىنەن كەم دەگەندە 6 ادام قازا تاپتى.