تاراز قالاسىنىڭ جىلدىق بيۋجەتى 53 ميلليارد تەڭگەدەن اسادى
08:31, 03 - تامىز 2018
تاراز. قازاقپارات - تاراز قالاسىنىڭ جىلدىق بيۋجەتى 53 ميلليارد تەڭگەدەن اسادى. بۇل تۋرالى قالالىق قوعامدىق كەڭەستىڭ وتىرىسىندا ايتىلدى، دەپ حابارلايدى قازاقپارات ZhambylNews-كە سىلتەمە جاساپ.
ءبىراق، سالىقتىق جانە باسقا دا كىرىستەردىڭ كولەمى 10 ميلليارد تەڭگە كولەمىندە عانا. بۇل - ارينە، تومەن كورسەتكىش. سوندىقتان، قالالىق اكىمدىك ماماندارى سالىق ورگاندارىمەن بىرلەسىپ، كەشەندى جوسپارلى جۇمىستار جۇرگىزۋدە.
بۇدان بولەك، بيىلعى جارتى جىلدىقتىڭ وزىندە قازىنا قارجىسىن تولىق يگەرمەگەن مەكەمەلەر بار. سونداي-اق، كەڭەس مۇشەلەرى مەملەكەتتىك ساتىلىم كەزىندە تىڭعىلىقتى جوسپار جاساۋ كەرەكتىگىن اتاپ ءوتتى.
جيىن سوڭىندا شاھارداعى جىلۋ مەكەمەلەرىنىڭ قىسقى ماۋسىمعا دايىندىعى مەن مونيتورينگ جۇمىستارىنىڭ ناتيجەلەرى ايتىلدى.