ينتەرنەت پورتال زاڭسىز جولمەن 537 ميلليون تەڭگە بولاتىن 542 ماقالا ۇرلادى دەپ ايىپتالۋدا
بۇل تۋرالى «قازاقپارات» تىلشىسىنە اۆتورلىق قۇقىق قورعاۋ جونىندەگى سولتۇستىك قازاقستان قوعامداستىعىنىڭ باسپا ءسوز قىزمەتى رەسمي باسپا ءسوز ءماتىنىن جىبەرىپ، حابارلادى.
قوعامداستىقتىڭ ارىزى بويىنشا، Nur.kz ينتەرنەت پورتالى ءوزىنىڭ «zakon.nur.kz» ءبولىمىن قۇرعان كەزدە وسى ايدارعا سالىنعان اقپاراتتىڭ ءبارىن زاڭ سالاسىنداعى تانىمال سايتتىڭ ءبىرى - Defacto.kz سايتىنان العان.
ايتا كەتەيىك، «Defacto.kz» ينتەرنەت رەسۋرسى 2003 -جىلى «De Facto» زاڭ فيرماسىنىڭ باستاماسىمەن قۇرىلعان سايت. قازىر سايت تولىقتاي زاڭناما جونىندەگى ەنسيكلوپەدياعا اينالعان. مىنە، بۇل سايت 2015 -جىلدىڭ قىركۇيەگىندە «Nur.kz» پورتالى ماتەريالدارىن زاڭسىز كوشىرىپ باسقانىن انىقتاعان.
«Internet Portal Nur» ج ش س- نا قارايتىن Nur. پورتالى ءوزىنىڭ سايتىنان «زاڭنامالىق ەنسيكلوپەديا» (https://zakon.nur.kz/yuridicheskaya-entsiklopediya) ءبولىمىن اشقان.
بۇل بولىمدە بارلىعى 542 ماقالا زاڭسىز جاريالانعانى انىقتالىپ وتىر، سەبەبى، 542 ماقالانىڭ بارلىعىن Defacto.kz سايتىنىڭ اۆتورلارى جازىپ شىققان.
ماقالانى جاريالاعان Nur.kz اۆتورلاردىڭ كەلىسىمىن العان ەمەس، دەپ حابارلادى دەرەككوزى.
«سوندىقتان، ماقالا اۆتورلارى «اۆتورلىق قۇقىقتى قورعاۋ جونىندەگى سولتۇستىك قازاقستان قوعامداستىعى» اتتى قوعامدىق بىرلەستىك قۇرىپ، ازاماتتىق سوت ءوندىرىسى نەگىزىندە اۆتورلىق قۇقىقتارىن قورعاۋ ءۇشىن «Internet Portal Nur» ج ش س مەن «نۇرحوست» ج ش س- نىڭ ۇستەنىن سوتقا ارىز جازدى. ارىز بەرۋشى بارلىعى 572 اۆتورلىق مەنشىكتىڭ ءارقايسىسى ءۇشىن وتەماقى ءوندىرۋدى؛ «Internet Portal Nur» ج ش س- نا قارايتىن «Nur.kz» ينتەرنەت رەسۋرسىنىڭ جۇمىسىن 3 ايعا توقتاتۋدى؛ اۆتورلىق قۇقىقتاردىڭ كوشىرمەسىن جاساعان «Internet Portal Nur» ج ش س مەن «نۇرحوست» ج ش س- نىڭ ماتەريالدارى مەن قۇرىلعىلارىن تاركىلەۋدى تالاپ ەتىپ وتىر»، - دەلىنگەن قوعامداستىقتىڭ باسپا ءسوز قىزمەتى تاراتقان اقپاراتتا.
اۆتور: كەنجەكەي توقتامۇرات قىزى