قازاقستاندا جاسالعان: پەتروپاۆلداعى «مۇنايماش» زاۋىتى جىل باسىنان باستاپ 530 ميلليون تەڭگەگە ءونىم شىعاردى - فوتو
كاسىپورىن ەلدەگى «ونىمدىلىك - 2020» باعدارلاماسىنىڭ العاشقى قاتىسۋشىلارىنىڭ ءبىرى بولدى، دەپ حابارلادى «مۇنايماش» ا ق تەحنيكالىق ديرەكتورى سەرگەي ليتۆينوۆ.
«مۇنايماش» زاۋىتى ءۇش اۋىسىمدا جۇمىس ىستەيدى. بيىلعى جىلى سوماسى 530 ميلليون تەڭگەگە 2 مىڭ ۇڭعىمالىق مۇناي سورعىسىن شىعاردى. وتكەن جىلى كولەمى 3,5 ميلليارد تەڭگە بولعان. قازىر بۇل كورسەتكىشتى 400 ميلليون تەڭگەگە دەيىن ۇلعايتۋدى جوسپارلاۋدامىز»، - دەدى س. ليتۆينوۆ.
بۇل 2012 - جىلى ءوندىرىستى جاڭعىرتۋدىڭ ناتيجەسى دەۋگە بولادى. «ونىمدىلىك-2020» باعدارلاماسىنىڭ اياسىندا جاپونيا، ا ق ش جانە برازيليادان 12 زاماناۋي ستانوكتار ساتىپ الىندى. باعدارلامالىق باسقارىلاتىن جابدىق كاسىپورىنعا 1,5 ميلليارد تەڭگەگە ءتۇستى. جوبا يندۋستريالاندىرۋ كارتاسىنىڭ ءبىرىنشى بەسجىلدىعىنىڭ اياسىندا ىسكە اسىرىلدى.
زاۋىت تولىق قۋاتپەن جۇمىس ىستەۋدە. ەكى جىل بۇرىن مۇندا جىلىنا 40 مىڭعا دەيىن سورعى شىعارىلعان، بۇل قازىرگىمەن سالىستىرعاندا ەكى ەسەگە تومەن. ەڭبەكاقى ءوستى. جۇمىسكەرلەر ورتاشا 120 مىڭ تەڭگە الادى، زاۋىتتا 150 گە جۋىق ادام ەڭبەك ەتەدى.
زاۋىتقا نەگىزگى تاپسىرىس بەرۋشىلەر باتىس قازاقستان مۇناي كومپانيالارى.