شيكى مۇنايدىڭ ەكسپورتتىق كەدەندىك باج سالىعى 52,9 پايىزعا ءوستى

نۇر-سۇلتان. قازاقپارات - مەملەكەتتىك كىرىستەر كوميتەتىندە قازاقستانداعى سالىق تۇسىمدەرىنىڭ وسۋىنە اسەر ەتكەن نەگىزگى فاكتورلار اتالدى.

«2022 -جىلدىڭ التى ايىندا وتكەن جىلدىڭ سايكەس كەزەڭىمەن سالىستىرعاندا نەگىزگى ەكسپورتتىق پوزيتسيالارعا باعانىڭ ، ونىڭ ىشىندە مۇناي - % 65,9- عا، اليۋميني - % 36,9- عا، مىرىش - % 35,4- عا، قورعاسىن -% 9,4- عا، مىس -% 7,3- عا جانە التىن -%3,6- عا ءوسۋى بايقالادى»، - دەپ حابارلادى ۆەدومستۆودان.

مەملەكەتتىك كىرىستەر كوميتەتىنىڭ مالىمەتىنشە، شيكى مۇنايدىڭ ەكسپورتتىق كەدەندىك باج سالىعى % 52,9- عا ءوستى (2021 -جىلدىڭ التى ايىندا ورتاشا مولشەرلەمە 1 تونناعا 56,7 دوللاردى، 2022 -جىلدىڭ التى ايىندا 1 تونناعا 86,7 دوللاردى قۇرادى).

بۇعان دەيىن 2022 -جىلدىڭ التى ايىندا مەملەكەتتىك بيۋدجەتكە سالىق تۇسىمدەرى بويىنشا جوسپار 106,4 پايىزعا ورىندالعانى حابارلانعان بولاتىن.

جوسپار بويىنشا سالىق ءتۇسىمى 6718,0 ميلليارد تەڭگە بولسا، 7150,1 ميلليار تەڭگە تۇسكەن. ياعني، 432,2 ميلليار تەڭگەگە ارتىق ورىندالدى. وتكەن جىلدىڭ سايكەس كەزەڭىمەن سالىستىرعاندا ءوسىم 2281,0 ميلليار تەڭگەنى نەمەسە 1,5 ەسە كوپ.

www.24.kz