رەسەيدەگى جارىلىستان 52 ادام زارداپ شەكتى، 12 ادام ىزدەستىرىلۋدە
10:56, 11 - تامىز 2023
ماسكەۋ. تاسس - قازاقپارات – ر ف ماسكەۋ وبلىسى سەرگيەۆ پوساد قالاسىنداعى جارىلىستان 52 ادام زارداپ شەگىپ، 12 ادام ءىز-ءتۇزسىز جوعالعاندار تىزىمىندە تۇر، دەپ حابارلايدى قازاقپارات تاسس-قا سىلتەمە جاساپ.
بۇعان دەيىن 9 ادامنىڭ ءىز-ءتۇزسىز جوعالعانى حابارلانعان بولاتىن.
«ناقتى مالىمەت بويىنشا، 12 ادامنىڭ تاعدىرى بەلگىسىز بولىپ وتىر. ىزدەۋ جۇمىستارى جالعاسىپ جاتىر»، - دەدى اگەنتتىك دەرەككوزى.
جارىلىس كەشە سەرگيەۆ پوسادتا «پيرو-روسس» كومپانياسىنىڭ پيروتەحنيكا قويماسىندا بولدى. العاشقىدا 40 قا جۋىق ادام زارداپ شەككەنى تۋرالى حابارلانعان ەدى. بۇگىنگى مالىمەتكە سايكەس، مەديتسينالىق كومەككە 52 ادام جۇگىنگەن، 8 ى ستاتسيوناردا جاتىر.