«ءبىزدىڭ مالىمەتكە سايكەس، 51 مەديتسينا قىزمەتكەرى كوز جۇمعان. ولاردىڭ تۋعان- تۋىستارى مەن جاقىندارىنىڭ قايعىسىنا ورتاقتاسا وتىرىپ، كوڭىل ايتامىز. مەملەكەت باسشىسىمەن 13 - شىلدەدە ومىردەن وتكەن ارىپتەستەرىمىز مەملەكەتتىك ناگرادالارمەن ماراپاتتالدى، 42 مەديتسينا قىزمەتكەرى ماراپات الدى. وتەماقى تۇرعىسىندا ءاربىر جاعدايدى جەكە زەرتتەيتىن ءتيىستى مەحانيزم بار. وسىدان كەيىن اقپارات دەنساۋلىق ساقتاۋ مينيسترلىگىنە جولدانادى. دەنساۋلىق ساقتاۋ مينيسترلىگى اقپاراتتى تەكسەرىپ، مالىمەتتەردى ەڭبەك جانە حالىقتى الەۋمەتتىك قولداۋ مينيسترلىگىنە جولدايدى. سودان كەيىن مەملەكەتتىك الەۋمەتتىك ساقتاندىرۋ قورىنان تولەم اۋدارىلادى»، - دەدى تيمۋر سۇلتانعازيەۆ تىلشىلەردىڭ سۇراعىنا بەرگەن جاۋابىندا.
ەسكە سالا كەتسەك، بۇعان دەيىن كوميتەت ءتوراعاسى ەلىمىزدە كوروناۆيرۋس جۇقتىرعان 306 ادامنىڭ جاعدايى اۋىر ەكەنىن حابارلاعان بولاتىن.
اۆتور: ايان بەكەن ۇلى