تۇركىستان وبلىسىنىڭ اكىمى جانسەيىت تۇيمەبايەۆ قىتايلىق «HENAN PROVINCE INSTALLATION GROUP CO. LTD» ج ش س- ءنىڭ قازاقستانداعى فيليالى ديرەكتورىنىڭ ورىنباسارى ما شيانجوۋمەن كەزدەستى. باسقوسۋدا تاراپتار تۇركىستان قالاسىندا بوي كوتەرەتىن جاڭا عيماراتتار جايىن تالقىلادى. قوناقتار وبلىس ورتالىعىنداعى قۇرىلىس نىساندارىنىڭ قۇرىلىسىنا 51 ميلليارد تەڭگە كولەمىندە ينۆەستيتسيا قۇيىپ، بىرلەسكەن جوبالاردى جۇزەگە اسىرۋعا دايىن ەكەنىن جەتكىزدى.
ءوز كەزەگىندە ايماق باسشىسى اكىمشىلىك ىسكەرلىك ورتالىعىنان تۇرعىن كەشەنىن سالۋدى ۇسىندى. سونداي- اق، جوبانىڭ جوسپارلى تۇردە ىسكە اسۋىنا مەملەكەت تاراپىنان بارىنشا قولداۋ كورسەتىلەتىنىن جەتكىزدى. ياعني، نىسانداردى سالۋعا ارنالعان جەر تەلىمدەرىن ءبولۋ جانە قۇجاتتارىن ازىرلەپ، وندا تارتىلاتىن ينفراقۇرىلىم ماسەلەلەرى تولىعىمەن اكىمدىك تاراپىنان جۇزەگە اسىرىلاتىن بولادى.
كەزدەسۋ سوڭىندا تاراپتار تىعىز كوممەرتسيالىق قاتىناستاردى دامىتۋعا، ەكىجاقتى ينۆەستيتسيالار مەن تەحنولوگيالار ترانسفەرتىنىڭ كولەمىن ۇلعايتۋعا، سونىڭ ىشىندە تۇركىستان وبلىسىندا «ينۆەستيتسيالىق جوبالاردى» جۇزەگە اسىرۋعا نەگىز بولاتىن مەموراندۋمعا قول قويدى.