جاپونيا قىتايداعى 51 مىڭ اۆتوموبيلىن قايتارىپ الادى

استانا. قازاقپارات - جاپونيالىق Mitsubishi Motors كورپوراتسياسى كولىك تەجەگىشىندەگى اقاۋعا بايلانىستى قىتايلىق نارىقتاعى 51,5 مىڭ اۆتوموبيلىن قايتارىپ الادى، دەپ حابارلايدى ت ا س س.

ق ح ر ساپانى باقىلاۋ، تەكسەرۋ جانە كارانتين جونىندەگى مەملەكەتتىك باسقارمانىڭ حابارلاۋىنشا، قايتارىپ الۋ 27- ساۋىردە باستالادى جانە بۇل 2012-جىلعى قاراشا مەن 2016-جىلعى قاڭتار ارالىعىندا ەلگە يمپورتتالعان Outlander مودەلىندەگى اۆتوموبيلدەرگە قاتىستى.

Mitsubishi ديللەرلەرى سايكەس ماشينالاردى تەكسەرۋگە جانە اقاۋ تابىلعان جاعدايدا جوندەۋگە مىندەتتەلەدى.