شالبارىنا 51 ءتىرى تاسباقانى جاسىرىپ، شەگارادان وتپەك بولعان ادام سوتتالدى
08:56, 13 - ءساۋىر 2016
استانا. قازاقپارات - ۇلتى قىتاي كانادا ازاماتى ا ق ش- تا تاسباقانى زاڭسىز الىپ وتپەك بولعانى ءۇشىن 5 جىلعا سوتتالدى، دەپ حابارلايدى bbc اگەنتتىگى.
2014 -جىلى سوتتالۋشى كاي سيۋيدى كانادالىق شەكاراشىلار ۇستاعان، ونىڭ شالبارىندا جاسىرىلعان 51 ءتىرى تاسباقا تابىلعان.
ول تاسباقا ساتىپ الۋ ءۇشىن ميچيگانعا كوپ باراتىن بولعان. ول جەردەن تاسباقا ساتىپ الىپ قىتايعا جونەلتىپ كەلگەن. قىتايدا قوسمەكەندى ءۇي جانۋارى رەتىندە ۇستالادى. وسىلايشا ول كونتراباندالىق جولمەن مىڭداعان تاسباقانى شەكارادان وتكىزگەن.
كاي سيۋيدىڭ ايتۋىنشا، ول باۋىرىمەن جورعالاۋشىنى ساتقاننان تۇسكەن اقشانى ۋنيۆەرسيتەتتەگى وقۋىنىڭ اقىسىن تولەۋگە جۇمساعان.
پروكۋرورلاردىڭ ايتۋىنشا، ول تاسباقالاردى كانادا مەن ا ق ش- تان تەڭىز ارقىلى قىتايعا تاسىمالداپ كەلگەن نەمەسە باسقا ادامدارعا جۇكتەرىنىڭ اراسىنا سالىپ ءوتۋ ءۇشىن اقشاسىن تولەپ جىبەرىپ وتىرعان.