بۇل جايىندا يندۋستريا جانە ينفراقۇرىلىمدىق دامۋ ءمينيسترى مارات قارابايەۆ ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا ايتتى.
«Astana LRT قۇرىلىسى اياعىنا جەتەدى. قاجەتتى قاراجات تا قاراستىرىلعان. قاتەلەسپەسەم، بيىل ءبىز جوبا وپەراتورى رەتىندە 50 ميلليارد تەڭگە بولەمىز. بۇل ماسەلەنى اكىمدىكپەن بىرگە تالقىلادىق. ءبىرىنشى كەزەكتە قۇرىلىس اۋەجاي جاعىنان باستالادى. بۇگىن تاڭەرتەڭ رەسپۋبليكالىق بيۋدجەت كوميسسياسىنىڭ وتىرىسى بولدى. سوندا ءتيىستى قارجىنى ءبولۋ ماسەلەسىن قاراستىردىق. قاراجاتتىڭ ءبىر بولىگى ۆاگون ساتىپ الۋ وپەراتسياسىنا اۆانس تولەۋگە جۇمسالادى»، - دەدى ول.
ءمينيستردىڭ ايتۋىنشا، ءساۋىر ايىنىڭ باسىندا ءتيىستى قاراجات اكىمدىككە اۋدارىلادى دەگەن جوسپار بار.
«قاراجات ءبولۋ ماسەلەسى بۇگىن عانا رەسپۋبليكالىق بيۋدجەت كوميسسياسىندا قارالدى. ودان كەيىن پارلامەنتتە قارالىپ، سودان كەيىن قول قويىلادى. مەنىڭ پايىمىمشا، قازىر اقپان ايى دەسەك، ءساۋىر ايىنىڭ باسىندا قارجىنى اكىمدىككە بەرەتىن شىعارمىز»، - دەدى ۆەدومستۆو باسشىسى.
اۆتور
ەسىمجان ناقتىباي