قوردىڭ رەسمي سايتىنداعى مالىمەتكە سۇيەنسەك، قوعامدىق كەڭەس ۇلتتىق بانكتىڭ زەينەتاقى اكتيۆتەرىن جەكە كومپانيالارعا ينۆەستيتسيالىق باسقارۋعا بەرۋ يدەياسىن قولداپ وتىر.
ناقتىراق ايتساق، باسقارۋشى كومپانيالاردىڭ جارعىلىق جانە مەنشىكتى كاپيتالىنا جوعارى تالاپتار قويماۋدى ۇسىنادى. باستاپقى كەزەڭدە مۇنداي باسقارۋشى كومپانيالاردى ب ج ز ق ىرىكتەسە، كەيىن ولاردى تاڭداۋ قۇقىعىن سالىمشىلاردىڭ وزدەرىنە قۇقىق بەرۋ جوسپارلانىپ وتىر.
سونداي-اق ب ج ز ق زەينەتاقى اكتيۆتەرى ەسەبىنەن ساتىپ الۋعا رۇقسات ەتىلگەن قازاقستاندىق باعالى قاعازداردىڭ تىزبەسىن تىكەلەي انىقتاۋدى ۇسىنادى. باسقارۋشى كومپانيالار تاۋەكەلدەردى بولدىرماۋ ءۇشىن ءوتىمدى نارىقتارعا ەركىن ينۆەستيتسيالاۋ مۇمكىندىگىنە يە بولادى.
«بارلىق سالىمشىلارعا زەينەتاقى جيناقتارىنىڭ ءبىر بولىگىن وزدەرى تاڭداعان ينۆەستيتسيالىق پورتفەلدى باسقارۋشىلارعا ەڭ تومەنگى جەتكىلىكتىلىك شەگى بويىنشا شەكتەۋسىز اۋدارۋ قۇقىعىن بەرۋ جوسپارلانىپ وتىر. ويتكەنى ينۆەستيتسيالىق پورتفەلدى باسقارۋشىنى اۋىستىرۋ كەزىندە جيناقتاۋشى زەينەتاقى جۇيەسىنەن اقشا الىنبايدى. ال پورتفەلدى باسقارۋشى كومپانيانىڭ سالىمشى اكتيۆتەرىن ينۆەستيتسيالاۋدى ءارتاراپتاندىرۋ جانە ولاردىڭ كىرىستىلىگىن ارتتىرۋ جونىندەگى مۇمكىندىكتەرى كەڭەيتىلەدى»، - دەلىنگەن قوعامدىق كەڭەس ۇسىنعان جوبا تانىستىرىلىمىندا.
بۇعان دەيىن زەينەتاقى جيناعىنىڭ 50 پايىزىن جەكە كومپانيالارعا اۋدارۋ مۇمكىندىگى جاسالاتىندىعى تۋرالى حابارلادىق. جۋىردا بۇل قۇجاتتى پارلامەنت قارايتىن بولادى.