تەلەارنا مالىمەتىنشە، كومەكتى الۋ ءۇشىن قالالىق جۇمىسپەن قامتۋ باسقارماسىنا حابارلاسۋ قاجەت. ءىس-شارا كەلەسى جىلدىڭ 30 ساۋىرىنە دەيىن جالعاسادى.
ال استانانىڭ 40-ستانسيا ايماعىنداعى تەمىرجول تۇيىعى - قالاداعى كومىر ساتاتىن ەڭ ۇلكەن ورىنداردىڭ ءبىرى. مۇندا ۇزىن سونار كەزەك پەن دۇربەلەڭ جوق. مامانداردىڭ ايتۋىنشا، كومىر جەتكىلىكتى.
«تامىزدان باستاپ ساتىپ جاتىرمىز، سونىڭ اسەرىنەن ءقازىر داۋرىعۋ جوق. كوپ حالىق الدى»، - دەيدى كومىر ساتاتىن ورىننىڭ قويما مەڭگەرۋشىسى التىنبەك ەسجانوۆ.
تەلەارنا مالىمەتىنشە، قازاقستاندىقتار جىلىنا 10 ميلليون توننا كومىر تۇتىنادى. سونىڭ ىشىندە شۇباركولگە سۇرانىس جوعارى، ءبىراق شۇباركولدە جىلىنا 3 جارىم ميلليون توننا شىعارىلادى. سوندىقتان كەيدە كومىر جەتپەي جاتادى. تەمىرجول تۇيىقتارىندا شۇباركول كومىرىنىڭ باعاسى - 13850 تەڭگە. ءبىراق جىبەك جولى، تالاپكەر، قوسشى، قوياندى جانە ارشالىعا جەتكەنشە تاسىمالداۋ قۇنى قوسىلىپ، قىمباتتايدى.
«قالانىڭ سىرتى بولسا 20-25 مىڭ، الىستاعان سايىن قىمباتىراق بولادى عوي»، - دەيدى كومىر تاسىمالداۋشى باعدات مامىرايەۆ.