«ۇكىمەت مەملەكەت باسشىسىنىڭ تاپسىرماسىمەن 2030 -جىلعا دەيىنگى مەملەكەتتىك قارجىنى باسقارۋدىڭ جاڭا تۇجىرىمداماسىنىڭ جوباسىن ازىرلەدى. وندا سالىق- بيۋدجەت ساياساتى، ۇلتتىق قور قاراجاتىن پايدالانۋ ساياساتى، مەملەكەتتىك قارىز جانە باسقا دا ماسەلەلەر كورىنىس تاپقان. مەملەكەتتىك قارىزدى باسقارۋ ماسەلەسى كەشەندى تۇردە شەشىلەدى. بيۋدجەتتىڭ وزىندىك كىرىسى جالپى ىشكى ءونىم ءوسىمىنىڭ اتاۋلى قارقىنىنان جوعارى قارقىنمەن وسەتىن بولادى. ماسەلەن، رەسپۋبليكالىق بيۋدجەتتىڭ وزىندىك كىرىسى 7,2 تريلليون تەڭگە بولسا، 2024 -جىلى وزىندىك كىرىس 10,4 تريلليون تەڭگە بولادى. ياعني، ءوسىم - 50 پايىزعا جۋىق»، - دەدى ول سەناتورلاردىڭ ساۋالىنا وراي.
ونىڭ اتاپ وتۋىنشە، سالىقتىق- كەدەندىك اكىمشىلەندىرۋدى ودان ارى سيفرلاندىرۋ، تاۋارلاردى قاداعالاۋدىڭ ۇلتتىق جۇيەسىن ەنگىزۋ جالعاسادى. سالىق زاڭناماسىنا وزگەرتۋلەر ەنگىزىلىپ، حالىقارالىق سالىق سالۋ، ترانسفەرتتىك باعا ءتۇزۋ، اكسيز ساياساتى جەتىلدىرىلەدى.
«سونىمەن قاتار گاز- مەتتالۋرگيا كەشەنى بويىنشا دا ۇسىنىستارمەن كەلەمىز. مۇنىڭ بارلىعى ۇلتتىق قور قاراجاتىن پايدالانۋدى قازىرگى 4,5 تريلليون تەڭگەدەن 2024 -جىلعا قاراي 2,4 تريلليون تەڭگەگە دەيىن، ياعني 2 ەسەگە قىسقارتۋعا مۇمكىندىك بەرەدى»، - دەدى ءاليحان سمايىلوۆ.
اۆتور: مارلان جيەمباي